وتانداستارىمىزدىڭ اراسىندا ەڭ ۇزدىك كورسەتكىش ەلەنا رىباكيناعا تيەسىلى. سوڭعى كەزدەرى ورەلى ونەرىمەن كوزگە ءتۇسىپ جۇرگەن ول بۇل كۇندەرى WTA تىزىمىندە 12-ورىندى يەلەنۋدە. رىباكيناعا دەيىن قازاقستاننىڭ بىردە-ءبىر تەننيسشىسى ءدال وسىنداي بيىككە كوتەرىلگەن جوق ەدى. يۋليا پۋتينتسەۆا 41-ورىندى ەنشىلەسە, زارينا دياس 117-ساتىعا تۇراقتادى. ايەلدەر اراسىندا ءالى دە اۋستراليانىڭ ارۋى ەشلي بارتي الدىنا جان سالار ەمەس. ەكىنشى ورىندا – بەلورۋسسيالىق ارينا سوبولەنكو. چەحيانىڭ قوس جۇلدىزى – باربورا كرەيچيكوۆا مەن كارولينا پليشكوۆا ءۇشىنشى جانە ءتورتىنشى ورىنداردى ءوزارا ءبولىستى. ۇزدىك بەستىكتى يسپانيالىق پاۋلا بادوسا تۇيىندەپ تۇر.
مونپەلەدەگى جارىستاعى جەڭىسىنەن كەيىن الەكساندر بۋبليك ءتورت ساتىعا جوعارىلاپ, قازىرگى كەزدە 31-ورىندى يەلەنۋدە. بۇل – قازاقستاندىق ويىنشىلار اراسىنداعى ەڭ ۇزدىك ناتيجە. وكىنىشكە قاراي, وزگە جەرلەستەرىمىزدىڭ كورسەتكىشىنە كوڭىل تولمايدى. ەلىمىزدىڭ ەكىنشى راكەتكاسى ميحايل كۋكۋشكين نەبارى 165-ورىندا قاناعات تۇتۋدا.
