24 ساعات

ۆەنەسۋەلاداعى بيلىككە قارسى نارازىلىق اكتسيالارى جالعاسىپ جاتىر. كەشە سونداي شاراعا قاتىسۋشىلاردىڭ ءبىرى, ستۋدەنت جىگىت قازا تاپتى. جالپى, ەلدەگى الەۋمەتتىك-ەكونوميكالىق جاعدايعا كو­ڭىلى تولمايتىنداردىڭ نارازى­لىق­تارى باستالعان ەكى ايعا تاياۋ ۋاقىت ىشىندە ەلدە 30 ادامنىڭ قازاعا ۇشىراعانى بەلگىلى بولىپ وتىر. مالايزيانىڭ قىتاي­­عا ۇشىپ شىعىپ, جولاي جوعا­لىپ كەتكەن بوينگ-777-200 جولاۋشىلار ۇشاعى ەكى اپتاعا جۋىق ۋاقىتتان بەرى 29 ەلدىڭ قاتىسۋىمەن ىزدەستىرىلىپ جا­­­تىر. سوڭعى مالىمەتكە ءسۇ­يەن­­­­­سەك, ءۇندى مۇحيتىنىڭ وڭ­­تۇس­تىگى­نەن بىرنەشە ءبو­لىك­­­تەن تۇراتىن, ەڭ ۇلكەنى 24 مەتر­دى قۇراي­تىن ۇشاققا ۇق­­ساس وبەكتىلەر بايقالعان. بىراق ولاردى ناقتى ۇشاق سى­­­نىق­تا­رى دەۋگە ءالى ەرتەرەك سياقتى. تايلاند پوليتسياسى ەكى رەسەيلىك ازامات – يانا ستري­جەۋس پەن الەكسەي سلا­­بين­سكيدى ۇرلاپ كەتتى دەپ كۇدىك كەلتىرىلگەن ەكى ادامعا ىزدەۋ جاريالادى. رەسەيلىكتەر پحۋ­كەتكە ۆلاديۆوستوكتان كەلگەن كورى­نەدى. ۇرلانعاننان كەيىن يا.ستري­جەۋس تۋىسقاندارىنا حا­بار­لاسىپ, كەپىلگە العاندار 100 مىڭ دوللار تولەم تالاپ ەتىپ وتىرعاندارىن جەتكىزگەن. سو­دان بەرى ۇرلانعانداردان حابار-وشار جوق ەكەن. كانادادا جەرگىلىكتى ۇندىستەر ونتاريو پرو­ۆين­تسياسىنداعى تەمىرجولدى جاۋىپ تاستاعان. بۇل جەلى پروۆينتسيانى ەل استاناسى وتتاۆامەن جانە باسقا دا ءىرى قالالارمەن جالعاستىرادى. نارازىلىق اكتسياسى 10 سا­عاتقا سوزىلعان. كەيىن پو­يىز­دار قوزعالىسى قايتا جال­­عاسقان. تەمىرجول جابىق كەزدە بيلىك باسىنداعىلار قو­سىمشا اۆتوبۋس مارشرۋتتارىن اشقان. ال نارازىلىق بىلدىرۋشىلەر بيلىكتەن ءۇندىس ايەلدەرىن ءولتىرۋ ءىسى بويىنشا تەرگەۋ جۇمىستارىن جۇرگىزۋدى تالاپ ەتكەن. كانادادا 34 ملن. حالىق تۇرسا, ونىڭ 732 مىڭى ۇندىستەر بولىپ تابىلادى. جاپونيانىڭ اتاقتى «تويوتا» كومپانياسى اقش تاراپىنىڭ تالاپ ەتۋىمەن 1,2 ملرد. دوللار ايىپ تولەيتىن بولدى. بۇعان امەريكاعا ساتىلعان اۆتوكولىكتەردىڭ باسقارۋ جۇيەسىندەگى اقاۋ سەبەپ ەكەن. كوپتەگەن شاعىمدارعا قاراماستان, كومپانيا وسى كۇنگە دەيىن كولىكتەردە اقاۋ جوق دەپ جالتارىپ كەلسە كەرەك. بىراق اقىرىندا كومپانيا كولىكتەردەگى اقاۋدى مويىنداۋعا ءماجبۇر بولىپ, ايىپ تولەۋگە كەلىسكەن جانە بۇل «تويوتانىڭ» رەكوردتى ايىبى بولىپ تابىلادى. گرەكيا اسكەري-تەڭىز كۇشتەرى جاقىندا ءۇش تۋرە 214 سۇڭگۋىر قايىقتارىمەن تولىقپاق. بۇل تۋرالى وسى ەلدىڭ قورعانىس ءمينيسترى دەمەتريوس اۆراموپۋلوس جاريا ەتتى. اتالعان سۇڭگۋىر قايىقتاردى گرەكيا فلوتى­نىڭ قۇرامىنا الۋ 2015 جىل­عا جوسپارلانىپتى. كو­رابلدەردى گرەكيا قورعانىس مينيسترلىگىنىڭ تاپسىرىسى بويىنشا جاڭعىرتۋعا 75,5 ملن. ەۋرو جۇمسالماق كورىنەدى. اقپارات اگەنتتىكتەرى ماتەريالدارى نەگىزىندە ازىرلەندى.