«2021 جىلعى الەۋمەتتىك-ەكونوميكالىق دامۋ قورىتىندىلارى بويىنشا جالپى ىشكى ءونىمنىڭ ءوسىمى 4 پايىزدى قۇرادى. ناقتى سەكتور تۇراقتى ەكونوميكالىق ءوسۋدىڭ نەگىزگى فاكتورىنا اينالدى. ونەركاسىپ ءونىمىنىڭ كولەمى 8,38 پايىزعا جەتتى. تاۋ-كەن ونەركاسىبىن ەسەپكە الماعاندا, نەگىزگى ەكونوميكاعا ينۆەستيتسيا 9,5%-عا ءوستى. تىكەلەي شەتەلدىك ينۆەستيتسيا وتكەن جىلدىڭ توعىز ايىندا شامامەن 50 پايىزعا ءوسىپ, 18,8 ميلليارد دوللاردى قۇرادى», دەدى ءاليحان سمايىلوۆ.
سونداي-اق ۇكىمەت باسشىسى 11 ايدىڭ ىشىندە شەتەلدىك ينۆەستيتسيانى تارتۋدا ءبىرشاما ءوسىم بايقالعانىن اتاپ ءوتتى.
«سونىمەن قاتار وتكەن جىلدىڭ 11 ايىنىڭ قورىتىندىسى بويىنشا سىرتقى ساۋدا اينالىمى 15,4%-عا ءوسىپ, 91,4 ملرد دوللارعا جەتتى. تاۋار ەكسپورتى 25%-عا ءوسىپ, 54,5 ملرد دوللاردى, يمپورت 4,2%-عا ءوسىپ, شامامەن 37 ملرد دوللاردى قۇرادى», دەدى ءاليحان سمايىلوۆ.
