ارنايى پروكۋرورلار قىزمەتى باسشىسىنىڭ سوزىنە زەر سالساق, قازىرگى كەزگە دەيىن قىلمىستىق توپتىڭ 18 مۇشەسى قۇرىقتالعان, 21 ادامنىڭ ادام ءولتىرۋ, ۇرلىق, توناۋ بويىنشا سوتتىلىعى بار ەكەن.
«ول ساناتتا «ديكي ارمان» دەگەن لاقاپ اتىمەن تانىمال بولعان ارمان جۇماگەلديەۆ پەن ونىڭ توبىنىڭ مۇشەلەرى دە بار.
قارۋ ۇستاعان ونىڭ ادامدارى كەزدەيسوق ءوتىپ بارا جاتقان تۇرعىنداردىڭ اراسىنان 24 ازاماتتى ۇرلاپ, كۇشتەپ ۇستاعانى انىقتالدى. ازاماتتاردى ءبىر جەردەن ەكىنشى جەرگە اپارىپ, ۇرىپ-سوققان, سالدارىنان ءبىر ادام كوز جۇمعان. بۇدان بولەك, قاراقشىلار 12-ءشى قالالىق اۋرۋحانادا قاتتى سوققىعا جىعىلعان پوليتسەيدىڭ قىزمەتتىك قارۋىن الىپ كەتكەن», دەدى ريزابەك وجاروۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ول اتالعان فاكت بويىنشا قىلمىستىق ءىس تەرگەلىپ جاتقانىن جەتكىزدى.
«الەۋمەتتىك جەلىلەردە جۇماگەلديەۆ بوساتىلدى نەمەسە بەلگىسىز جاققا جەتكىزىلدى دەگەن ءتۇرلى بولجامدار مەن جالعان اقپاراتتار تارادى. ءىس قوسىمشا تەرگەۋ ءۇشىن ارنايى پروكۋرورلارعا جىبەرىلدى. ءبىز ونى ۇقك ۋاقىتشا ۇستاۋ يزولياتورىنا اۋىستىردىق. ول سوندا قاماۋدا وتىر», دەدى ارنايى پروكۋرورلار قىزمەتىنىڭ باسشىسى.
