پارلامەنتتە ىشكى ىستەر ورگاندارى زاڭىنا وزگەرىستەر ەنگىزۋ ماسەلەسى قارالدى

بۇگىن, 20 ناۋرىز كۇنى   سەنات توراعاسى قاسىم-جومارت توقاەۆتىڭ جەتەكشىلىگىمەن پالاتانىڭ جالپى وتىرىسى بولىپ ءوتتى. وسى جولى دەپۋتاتتار نازارىنا ەڭ تومەنگى جالاقى, جالاقىنى قورعاۋ, ازاماتتىق قورعاۋ جانە ىشكى ىستەر ورگاندارىنىڭ قىزمەتى ماسەلەلەرى بويىنشا زاڭنامالارعا وزگەرىستەر ەنگىزۋ قارالدى. بۇل تۋرالى Egemen.kz حابارلادى. قازاقستان مەن ۆەتنام اراسىنداعى ازاماتتىق ىستەر بويىنشا ءوزارا قۇقىقتىق كومەك تۋرالى كەلىسىمدى راتيفيكاتسيالاۋ,  «ەڭ تومەنگى جالاقىنى بەلگىلەۋ ءراسىمىن جاساۋ تۋرالى كونۆەنتسيانى (26-كونۆەنتسيا) راتيفيكاتسيالاۋ تۋرالى» جانە  «جالاقىنى قورعاۋ تۋرالى كونۆەنتسيانى (95-كونۆەنتسيا) راتيفيكاتسيالاۋ تۋرالى» زاڭ جوبالارى ءبىراۋىزدان قابىلداندى. سەناتورلار ەڭبەكاقىنىڭ ادىلدىك پرينتسيپىنە نەگىزدەلۋى تۇرعىسىنداعى ويلارىن دا ايتپاي قالمادى. سونداي-اق «ازاماتتىق قورعاۋ تۋرالى» جانە وعان ىلەسپە زاڭدى قۇجات تا (ەكىنشى وقىلىم) دەپۋتاتتار قولداۋىنا يە بولدى. كۇن ءتارتىبىنىڭ سوڭعى ماسەلەسى ىشكى ىستەر ورگاندارىنىڭ قىزمەتى ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى زاڭ جوباسى ەكىنشى وقىلىمدا بىرقاتار تۇزەتۋلەرىمەن ماجىلىسكە قايتارىلدى. اسقار تۇراپباي ۇلى. دەرەككوز: Egemen.kz. فوتو: Newskaz.ru.