وبلىستىق تجد ءباسپاسوز قىزمەتىنىڭ حابارلاۋىنشا, 37 جانە 35 جاستاعى ەر ادامدار سوڭعى رەت 3 اقپاندا بايلانىسقا شىققان. ولاردىڭ ءبىرى ايەلىنە حابارلاسىپ, وزدەرىنىڭ اداسىپ كەتكەنىن ايتقان.
كەلەسى كۇنى ولاردىڭ دەنەسىن بالاتوپار اۋىلىنان 25 شاقىرىم قاشىقتىقتاعى قۇيعان اۋىلىنىڭ تۇرعىندارى بالقاش كولىنەن تاپتى, موتوتسيكل كولگە باتىپ كەتكەن.
جاعدايدىڭ سەبەپتەرى انىقتالۋدا, سوت-مەديتسينالىق ساراپتاما تاعايىندالدى.
قازىرگى ۋاقىتتا كولدەگى مۇزدىڭ قالىڭدىعى - 3-5 سانتيمەتر.
الماتى وبلىسىنىڭ تجد ازاماتتاردان ساقتىق شارالارىن ساقتاۋدى جانە قاتپاعان, جۇقا مۇز بەتىنە شىقپاۋدى سۇرايدى.
