سولتۇستىك قازاقستان وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, بۇگىن ساعات 7.56 كەزىندە «101» جەدەل ارناسىنا پەتروپاۆلداعى ينتەرناتسيونال كوشەسى, 21 ۇيدە ءورت شىققانى تۋرالى حابارلاما تۇسەدى.
ءورت سوندىرۋشىلەر كەلگەندە بەس قاباتتى تۇرعىن ءۇيدىڭ ءبىرىنشى قاباتىنداعى پاتەردىڭ تەرەزەسىنەن قويۋ ءتۇتىن شىعىپ جاتقان. جابىق ەسىكتى بۇزىپ اشىپ, ماماندار ءورتتى سوندىرۋگە كىرىستى. وسى ۋاقىتتا قۇتقارۋ جۇمىستارى قاتار جۇرگىزىلىپ, جوعارى قاباتتاردان باسپالداقپەن 23 ادام, سونىڭ ىشىندە 4 بالا قاۋىپسىز جەرگە شىعارىلدى. تاعى 3 ەرەسەك پەن 1 بالا قۇتقارىلدى.
وقيعا ورنىندا 23 ءورت ءسوندىرۋشى مەن 8 تەحنيكا جۇمىس ىستەدى. ءورت ساعات 8.30-دار شاماسىندا تولىق ءسوندىرىلدى. پاتەردەگى دۇنيە-م ۇلىك تولىق زاقىمداندى. زارداپ شەككەندەر مەن قازا تاپقاندار جوق. ءورتتىڭ شىعۋ سەبەبى ازىرگە بەلگىسىز.
بىلتىر اقپان ايىندا وسى كوپ قاباتتى ءۇيدىڭ ءبىرىنشى قاباتىندا ورنالاسقان ءدامحانالاردىڭ بىرىندە ءورت شىعىپ, گاز باللونى جارىلعان ەدى.
