«بەكىتىلگەن باعاسى 50-75 تەڭگە ارالىعىندا. ناقتى قۇنى وڭىرلەرگە بايلانىستى. ارينە سۇيىتىلعان گاز وندىرەتىن زاۋىت ورنالاسقان جەردە باعا 50 تەڭگەدەن اسپايدى. ودان مىڭ شاقىرىم شالعاي جەرگە دە گاز جەتكىزۋ كەرەك. سوندىقتان گاز باعاسى 75 تەڭگەگە دەيىن بارادى», دەپ ءتۇسىندىردى اقشولاقوۆ ورتالىق كوممۋنيكاتسيالار قىزمەتىندە وتكەن ونلاين بريفينگتە.
ءمينيستردىڭ ايتۋىنشا, قازىرگى كەزدە گاز جەتكىلىكتى. اكىمدىكتەر گازدىڭ كولەمى تۋرالى تۇراقتى تۇردە حابارلاپ وتىرادى.
ء«بىز ءاربىر اكىمدىكپەن جۇمىس ىستەپ جاتىرمىز. كۇندە حابارىن الىپ وتىرامىز. ەگەر قانداي دا ءبىر جاعداي بولسا, سول كۇنى شەشۋگە تىرىسىپ وتىرامىز. بىراق قازىرگى جاعداي تۇراقتى, گاز 50-75 تەڭگەدەن ساتىلىپ جاتىر», دەپ اتاپ ءوتتى ۆەدومستۆو باسشىسى.
