بۇل تۋرالى پرەمەر-مينيستر نيكول پاشينيان ۇكىمەت وتىرىسىندا مالىمدەدى.
ء«سىز ناۋرىز ايىندا وتەتىن سايلاۋعا دەيىن جوعارى تەحنولوگيالىق ونەركاسىپ ءمينيسترىنىڭ مىندەتتەرىن تولىقتاي ورىنداپ, وسى كەزەڭدە ءتيىمدى جۇمىس ىستەيسىز دەپ ۇمىتتەنەمىن», دەدى پاشينيان پرەزيدەنتتىككە ۇمىتكەر جوعارى تەحنولوگيالىق يندۋستريا ءمينيسترى ۆااگن حاچاتريانعا.
ونىڭ ايتۋىنشا, حاچاترياندى پارلامەنتتىڭ 65 دەپۋتاتى ۇسىنعان. بۇل قادام ونىڭ پرەزيدەنت بولىپ سايلاناتىنىنا سەندىرەدى.
ارمەنيا پرەزيدەنتىنىڭ مىندەتىن اتقارۋشى الەن سيمونيان وتكەن اپتادا باق-تا «ازاماتتىق كەلىسىم» پارتياسىنىڭ جوعارى تەحنولوگيالىق يندۋستريا ءمينيسترى ۆااگن حاچاترياننىڭ كانديداتۋراسىن ەل پرەزيدەنتى لاۋازىمىنا ۇسىنۋى تۋرالى اقپاراتىن راستادى.
ارمەنيا پرەزيدەنتى ارمەن ساركيسيان 23 قاڭتاردا وتستاۆكاعا كەتەتىنىن مالىمدەدى. نەگىزگى سەبەپ رەتىندە ول مەملەكەت باسشىسىنا سىرتقى جانە ىشكى ساياساتتىڭ تۇبەگەيلى پروتسەستەرىنە اسەر ەتۋگە مۇمكىندىك بەرەتىن ءتيىستى وكىلەتتىكتەردىڭ جوقتىعىن اتاپ ءوتتى.
