ەلىمىز كومانداسى شايبالى حوككەيدەن الەم چەمپيوناتىنا قاتىسادى

ەرتەڭ, 19 ناۋرىز كۇنى پولشادا شايبالى حوككەيدەن 18 جاسقا دەيىنگى قىزدار اراسىندا وتەتىن الەم چەمپيوناتىنىڭ ءبىرىنشى ديۆيزيونىنداعى سۇرىپتاۋ سىنى باستالادى. وعان قازاقستان قۇراما كومانداسى دا قاتىسادى. بۇل تۋرالى قازاقستان حوككەي فەدەراتسياسى حابارلادى. اتالعان چەمپيونات الەمدىك دودانىڭ ءۇشىنشى دەڭگەيدەگى جارىسى. وسى توپتا ءبىزدىڭ ەلدەن باسقا تاعى ءتورت قۇراما كوماندا قاتىسادى ەكەن. ولاردىڭ ءبارى ءبىرىنشى ديۆيزيون جولداماسىنا تالاسادى. بۇل سىندا قازاقستان قۇراماسىمەن اۆستريا, يتاليا, پولشا جانە قىتاي سپورتشىلارى كۇش سىناسادى. ەندى قازاقستان كومانداسىنىڭ ويىندارىنا كەلسەك, ەرتەڭ, ياعني 19 ناۋرىزدا ءبىزدىڭ قۇراما العاشقى ماتچىن پولشا حوككەيشىلەرىنە قارسى وتكىزەدى. ودان كەيىن 20 ناۋرىز كۇنى قىزدارىمىز اۆستريا بويجەتكەندەرىمەن ويناسا, 22 ناۋرىزدا يتاليا كومانداسىمەن كۇش سىناسادى. ال 23 ناۋرىز كۇنى قازاقستان مەن قىتاي قىزدارى مۇز ايدىنىنا شىعادى. 18 جاسقا دەيىنگى قازاقستان قىزدار كومانداسى مىنا قۇرامدا الەم چەمپيوناتىنا  قاتىسادى: قاقپاشىلار – تاتيانا موجاەۆا, ديانا تكاچەنكو. قورعاۋشىلار – مادينا تۇرسىنوۆا, سوفيا كۋزنەتسوۆا, ەۆا بوگداشوۆا, لەيلا موروزوۆا, مارينا پوپوۆا, الەكساندرا فەكليستوۆا شابۋىلشىلار – پەرنەش ءاشىموۆا, ايدا ولجاباەۆا, ماليكا الدابەرگەنوۆا, ۆالەريا سيدورەنكو, ءاليا قاليۋلا, كارينا فەلزينك نادەجدا فيليمونوۆا, تاتيانا ليحاۋس ,ەلۆيرا رامازانوۆا, ۆالەريا كامەنسكايا, كسەنيا بۋشۋەۆا. باس جاتتىقتىرۋشى – سەرگەي سولوۆەۆ, جاتتىقتىرۋشى – يرينا موگيلنيكوۆا. داستان كەنجالين. دەرەككوز: www. Icehockey.kz فوتو: www. Icehockey.kz