«مەملەكەت باسشىسىنىڭ تاپسىرماسى بويىنشا ەلىمىزدە ەڭ بەدەلدى شەتەلدىك ۋنيۆەرسيتەتتەردىڭ 5 فيليالى اشىلادى. قازىرگى ۋاقىتتا ەلدە دە مونتفورت لەستەر بريتان ۋنيۆەرسيتەتىنىڭ فيليالى جۇمىس ىستەي باستادى. سونداي-اق سولتۇستىك قازاقستان مەملەكەتتىك ۋنيۆەرسيتەتىن اريزونا ۋنيۆەرسيتەتىنىڭ سەنىمدى باسقارۋىنا بەرۋ بويىنشا جۇمىستار جۇرگىزىلۋدە. تەحنيكالىق باعىتتار بويىنشا رەسەيدىڭ ۇزدىك جوعارى وقۋ ورىندارىنىڭ فيليالدارىن اشۋ بويىنشا كەلىسسوزدەر باستالدى. قازىرگى ۋاقىتتا تاعى ءبىر بريتان ۋنيۆەرسيتەتىنىڭ فيليالىن اشۋ بويىنشا كەلىسسوزدەر جۇرگىزىلۋدە», دەدى اسحات ايماعامبەتوۆ ۇكىمەت وتىرىسىندا.
مينيستر اتاپ وتكەندەي, جوعارى وقۋ ورىندارىنىڭ ەكى فيليالىن ەلىمىزدىڭ باتىس وڭىرلەرىندە اشۋ جوسپارلانۋدا.
بۇعان دەيىن پرەمەر-مينيستر ءاليحان سمايىلوۆ ءبىلىم مينيسترلىگىنە 7 اقپانعا دەيىن جەتەكشى شەتەلدىك جوعارى وقۋ ورىندارىنىڭ فيليالدارىن اشۋ بويىنشا جول كارتاسىن ەنگىزۋدى تاپسىرعان بولاتىن.
