تابيعي مونوپوليالاردى رەتتەۋ كوميتەتى بارلىق گازداندىرىلعان وڭىردەگى «قازترانسگاز ايماق» اق تۇتىنۋشىلارى ءۇشىن گاز باعاسىنا ساراپتاما جۇرگىزۋگە باستاما جاساعانىن حابارلادى. 2021 جىلعى قىركۇيەكتىڭ اياعىندا تاريفتىك ورگاننىڭ سۇراۋى بويىنشا «قازترانسگاز ايماق» اق ساراپتاماعا قاجەتتى قۇجاتتاردى تاپسىرعان.
تمرك باعا ساراپتاماسىنىڭ قورىتىندىسى بويىنشا «قازترانسگاز ايماق» اق-تىڭ جەتكىزۋ ۇستەمە اقىسىن ەلىمىزدىڭ بارلىق گازداندىرىلعان وڭىرىندە 15 پايىزدان (شىعىس قازاقستان وبلىسى) 50,63 پايىزعا (اتىراۋ وبلىسى) تومەندەتكەن.
كوميتەت مالىمەتىنشە, تۇتىنۋشىلار ءۇشىن گازدىڭ باعاسى 70-80 پايىزعا ەنەرگەتيكا مينيسترلىگى بەكىتەتىن كوتەرمە باعاعا بايلانىستى, ال تابيعي گاز باعاسىنىڭ قالعان بولىگى تاسىمالداۋ قىزمەتتەرى مەن تمرك رەتتەيتىن گازدى وتكىزۋ شىعىندارىنان تۇرادى.
جابدىقتاۋ ۇستەمەسىن تومەندەتۋ جۇمىستارى ناتيجەسىندە كوميتەت تۇتىنۋشىلار ءۇشىن تاۋارلىق گازدىڭ تۇپكىلىكتى شەكتى باعالارىن 0,34-تەن 38,96 پايىزعا دەيىن تومەندەتكەن.
تومەندەتىلگەن باعالار 2022 جىلدىڭ 1 اقپانىنان باستاپ كۇشىنە ەنەدى.
