پسيحيكاسىنىڭ بۇزىلۋىنان زارداپ شەگەتىن ۇشتوبە قالاسىنىڭ 34 جاستاعى تۇرعىنى جەرلەۋ ورىندارىن قيراتتى دەگەن كۇدىككە ءىلىندى. ۇستالعان ادامنىڭ قىلمىسقا قاتىستىلىعى كۋاگەرلەردىڭ ايعاقتارىمەن جانە ءىس بويىنشا تاعايىندالعان ساراپتامانىڭ ناتيجەلەرىمەن راستالادى.
زيراتتاردى قورلاۋ قىلمىسى 16 قاڭتاردا ورىن العانى انىقتالدى. 14 جەرلەۋ ورنى ب ۇلىنگەن جانە قيراعان, ولاردىڭ مەتالل قورشاۋلارى قيراتىلىپ, اعاش جانە تەمىر كرەستتەر سىندىرىلعان. قۇلپىتاس جازبالارى مەن ەسكەرتكىش گۇل شوقتارى جان-جاققا شاشىلعان. كۇدىكتىنىڭ ارەكەتىنەن زارداپ شەككەن زيراتتار قورىمنىڭ شەت جاعىندا ورنالاسقان. قايتىس بولعانداردىڭ تۋىستارىنا حابار بەرىلدى. تەكسەرۋ بارىسىندا ۇرلىق دەرەكتەرى انىقتالعان جوق.
كۇدىكتىنىڭ 60 جاستاعى اناسى قالا تۇرعىندارىنان بالا كەزىنەن اۋىر پسيحيكالىق اۋىتقۋدان زارداپ شەگەتىن ۇلىنىڭ ارەكەتى ءۇشىن كەشىرىم سۇرادى.
قاراتال اۋدانىنىڭ پوليتسيا قىزمەتكەرلەرى قر قىلمىستىق كودەكسىنىڭ 294-بابى «تاعىلىق» دەرەگى بويىنشا سوتقا دەيىنگى تەرگەۋ امالدارىن جالعاستىرۋدا. كۇدىكتىنىڭ پسيحيكالىق جاي-كۇيىن ەسكەرە وتىرىپ, ۇستالعان ادام وبلىستىق پسيحونەۆرولوگيالىق ديسپانسەرگە ورنالاستىردى. دەرەك بويىنشا تەرگەۋ ءىس-شارالارى الماتى وبلىسى پوليتسيا دەپارتامەنتىنىڭ ەرەكشە باقىلاۋىندا.
