«بىرىنشىدەن, قىتاي – قۇداي قوسقان كورشىمىز. ءبىز كورشىمىلەرىمىزدىڭ ورىنىن اۋىستىرا المايمىز عوي. ەكىنشىدەن, قىتاي – ەكونوميكالىق دامۋ تۇرعىسىندا وتە زور جەتىستىككە جەتكەن ەل. كورشىمىز جوعارى تەحنولوگيالار مەن جاساندى ينەتەلكت بويىنشا وزات ەلدىڭ ءبىرى. سوندىقتان, ارينە, ءبىز بىرلەسىپ جۇمىس ىستەۋگە ءتيىسپىز. ءبىز قىتاي نارىعىنا تاۋەلدىمىز. ستراتەگيالىق ءونىم شىعاراتىن بارلىق ءىرى كاسىپكەرلەرىمىز اۋىل شارۋاشىلىعى ونىمدەرىن وندىرۋشىلەر قىتاي نارىعىنا يەك ارتادى. مۇنى جوققا شىعارا المايمىز. قىتايعا قارسى نارازىلىق ۇيىمداستىرىپ جۇرگەندەردىڭ ساياسي ماقساتى بولۋى مۇمكىن. نەمەسە ەكونميكالىق شىندىقتان مۇلدە بەيحابار. ءتىپتى ولار الەمدىك قاۋىمداستىقتا جاھاندىق ساياسي قاقتىعىسقا مۇددەلى بىلگىلى ءبىر ۇيىمنان قارجىلاندىرىلاتىن شىعار. سوندىقتان بۇل جەردە كسەنوفوبياعا جول بەرمەۋ كەرەك. قىتاي بۇگىنگى كۇنگە دەيىن بىزگە ەشقانداي جاماندىق جاساعان جوق», دەدى مەملەكەت باسشىسى.
پرەزيدەنت سونداي-اق بىرنەشە كۇن بۇرىن «ورتالىق ازيا – قىتاي» اتتى مەملەكەت باسشىلارىنىڭ سامميتىنە قاتىسقانى جايلى ايتىپ, ەكىجاقتى ساۋدانىڭ دامىپ كەلە جاتقانىن تىلگە تيەك ەتتى.
«ەكىجاقتى ساۋدا جاڭا رەكوردتىق دەڭگەيگە جەتىپ وتىر. وتكەن جىلدىڭ 11 ايىنىڭ قورىتىندىسى بويىنشا بۇل كورسەتكىش 17 ميلليارد دوللارعا دەيىن جەتكەن», دەدى قاسىم-جومارت توقاەۆ.
پرەزيدەنت قىتايلىق سەرىكتەستەرىن جان-جاقتى قولداۋعا مۇددەلى ەكەنىن ايتتى.
ء«بىز قىتايدى زەرتتەپ, ءتىلىن مەڭگەرۋىمىز كەرەك. بۇل ەكى قولىمىزدا كوككە كوتەرىپ, سول ەلگە قوسىلۋ دەگەندى بىلدىرمەيدى. كەرىسىنشە, وسىنداي الىپ ەلمەن جاقسى قارىم-قاتىناستا بولۋىمىز كەرەك», دەدى مەملەكەت باسشىسى.
