«ەلدى مەكەندەردى ارالاپ, تۇرعىندارمەن كەزدەسۋمەن قاتار اپتا سايىن ازاماتتاردى قابىلداپ تۇرامىز. بۇگىن كەزەكتى رەت ونلاين فورماتتا 8 وتباسىن قابىلدادىم. قابىلداۋ بارىسىندا قويىلعان سۇراقتاردىڭ باسىم بولىگى ەرەكشە قاجەتتىلىگى بار ادامدارعا كومەك كورسەتۋگە قاتىستى بولدى. جىلدان جىلعا وڭالتۋ ورتالىقتارىنىڭ جەلىسى كەڭەيتىلىپ, مەكتەپتەردە ينكليۋزيا كابينەتتەرىن اشىلىپ جاتىر. سول سياقتى جاڭا تۇرعىن ءۇي كەشەندەرىنىڭ ءبىرىنشى قاباتىندا وڭالتۋ, شاعىن ورتالىقتارىن ورنالاستىرىپ جاتىرمىز», دەدى ەلوردا اكىمى.
ازاماتتاردى قابىلداۋدا كوتەرىلگەن ماسەلەلەردى جوسپارعا ەنگىزەتىنىن دە ايتتى.
«بىلتىر كورۋ قابىلەتى بۇزىلعان بالالارعا ارنالعان مامانداندىرىلعان بالاباقشا اشتىق (كەنەسارى كوشەسى, 9/1, سارىارقا اۋدانى). بالاباقشادا پەداگوگتەرمەن قاتار مەديتسينا قىزمەتكەرلەرى دە بالالارمەن جۇمىس ىستەيدى. ەرەكشە قاجەتتىلىگى بار ادامداردى الەۋمەتتەندىرۋ ءۇشىن ينكليۋزيۆتى «Qanattylar» تەاترى اشىلدى. سونداي-اق پاراليمپيادالىق جاتتىعۋ ورتالىعىمەن بىرلەسىپ, ەرەكشە قاجەتتىلىگى بار ادامدارعا ارنالعان سپورت كەشەنىن سالامىز, ال وڭالتۋ ورتالىقتارى جەلىسىن كەڭەيتۋ بويىنشا جۇمىس جالعاسىپ جاتىر. ازاماتتاردى قابىلداۋدا كوتەرىلگەن ماسەلەلەردى جوسپارىمىزعا ەنگىزەمىز», دەپ جازدى التاي كولگىنوۆ.
