قوعام • 28 قاڭتار، 2022

«حالىق» قايىرىمدىلىق قورى «قازاقستان حالقىنا» 10 ملرد تەڭگە اۋداردى

496 رەت كورسەتىلدى

«حالىق» قايىرىمدىلىق قورى «قازاقستان حالقىنا» قوعامدىق الەۋمەتتىك قورىنا قوسىمشا 10 ميللارد تەڭگە ءبولدى، دەپ حابارلايدى Egemen.kz.

مەملەكەت باسشىسىنىڭ باستاماسىمەن 2022 جىلعى قاڭتاردا قۇرىلعان قور دەنساۋلىق ساقتاۋ، ءبىلىم بەرۋ، مادەنيەت جانە سپورت سالالارىندا حالىقتىڭ الەۋمەتتىك وسال توپتارىن قولداۋدىڭ ماڭىزدى مىندەتتەرىن شەشۋگە، توتەنشە جاعدايلار مەن توتەنشە جاعدايدى ەنگىزۋ كەزىندە زارداپ شەككەندەرگە جانە ەلىمىزدىڭ قاۋىپسىزدىگىن كۇندەلىكتى قامتاماسىز ەتەتىن قۇقىق قورعاۋ قىزمەتكەرلەرى مەن اسكەري قىزمەتكەرلەردىڭ وتباسىلارىنا قولداۋ كورسەتۋگە ارنالعان.

قوسىمشا قارجىلاندىرۋ «حالىق» قورىنىڭ قۇرىلتايشىلارى تيمۋر مەن دينارا كۋليباەۆتاردىڭ جارنالارىنىڭ ارقاسىندا مۇمكىن بولدى. ولاردىڭ تۇراقتى قولداۋىنىڭ ارقاسىندا «حالىق» قورى قازاقستان حالقىنا جۇيەلى كومەك كورسەتەدى: تەك 2020-2021 جج. ارالىعىندا قور 18 ميلليارد تەڭگەدەن استام سوماعا قايىرىمدىلىق باعدارلامالارىن جۇزەگە اسىردى. ونىڭ ىشىندە پاندەميا كەزىندە حالىققا كومەك كورسەتۋ، مەديتسينالىق قۇرال-جابدىقتار مەن ءدارى-دارمەكتەرمەن قامتاماسىز ەتۋ، ەڭ مۇقتاج تۇرعىندارعا ازىق-ت ۇلىك سەبەتتەرىن تاراتۋ، بالالار مەن جاستارعا ساپالى ءبىلىم بەرۋدى دامىتۋ باعدارلامالارى جانە باسقا دا قايىرىمدىلىق باعدارلامالارىن جۇزەگە اسىردى.

2022 جىلدىڭ قاڭتار ايىندا كۋليباەۆتار وتباسى الەۋمەتتىك ماسەلەلەردى شەشۋ ءۇشىن Halyk Bank پەن «حالىق» قايىرىمدىلىق قورى ارقىلى «قازاقستان حالقىنا» قورىنا العاشقىلاردىڭ ءبىرى بولىپ 5 ميلليارد تەڭگە اۋداردى.

«مەملەكەت باسشىسى قازاقستاننىڭ ءاربىر ازاماتىنىڭ جاقسى ءومىر ءسۇرۋ جاعدايىن قامتاماسىز ەتۋ ءۇشىن ۇكىمەتتىڭ، قايىرىمدىلىق ۇيىمدارى مەن مەتسەناتتاردىڭ كۇش-جىگەرىن بىرىكتىرۋگە باعىتتالعان ماڭىزدى باستاماسىن كوتەردى. ءبىز ەلىمىزدىڭ وركەندەۋىنە باعىتتالعان پرەزيدەنت قاسىم-جومارت توقاەۆتىڭ باستامالارىن قولداۋدى جالعاستىرۋعا دايىنبىز»، دەيدى «حالىق» قق قامقورشىلىق كەڭەسىنىڭ ءتورايىمى دينارا كۋليباەۆا.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار