ورالدا 38 كاسىپكەردى الداعان سەرىكتەستىك باسشىسى قاماۋعا الىندى

باتىس قازاقستان وبلىسىنىڭ ورال قالاسىندا 38 كاسىپكەردەن 1 ملرد.تەڭگەنى الداپ العان سەرىكتەستىك باسشىسى قولعا ءتۇستى. بۇل تۋرالى «حابار» تەلەارناسى حابارلادى. «اكەلا» جاۋاپكەرشىلىگى شەكتەۋلى سەرىكتەستىگىنىڭ جەتەكشىسى الينا حاكالو ورال قالاسىنداعى كاسىپكەرلەرگە ءوزىن الەۋمەتتىك جوبالاردى قولدايتىن اقش-تىڭ USAID باعدارلاماسىنىڭ جەرگىلىكتى وپەراتورى رەتىندە تانىستىرىپ, ولارمەن گرانت قورىن قۇرۋ جونىندە كەلىسىم-شارتقا وتىرعان. وسىدان كەيىن كاسىپكەرلەر ونىڭ ەسەپ-شوتىنا قارجى اۋدارىپتى. شەتەلدىك باعدارلامانىڭ شاراپاتىن كورمەك تۇگىلى ءوز اقشالارىن قايتارا الماعان كاسىپكەرلەر شاراسىزدىقتان قۇقىق قورعاۋ ورگانىنا ارىزدانادى. ارتىنان وسى كەلىنشەكتىڭ الماتى جانە اقتوبە وبلىستارىنىڭ دا كاسىپكەرلەرىن تاقىرعا وتىرعىزعانى ءمالىم بولدى. «قازىر الينا حاكالونىڭ ۇستىنەن قىلمىستىق ءىس قوزعالدى. ونىڭ جابىرلەنۋشىلەرگە كەلتىرگەن زالال قۇنى-1 ملرد.تەڭگە»,-دەدى باتىس قازاقستان وبلىسى بويىنشا ىشكى ىستەر دەپارتامەنتى تەرگەۋ باسقارماسى باستىعىنىڭ ورىنباسارى ماعاۋيا قۇرماشەۆ. ءامىرحان الماعانبەتوۆ. دەرەككوز: «حابار» تەلەارناسى. فوتو: Dumskaya.net.