«2020 جىلى ورتالىق ازيا مەن ءۇندىستان اراسىنداعى تاۋار اينالىمى 3 ملرد اقش دوللارىنا جەتتى. بۇل رەتتە ساۋدا-ساتتىقتاعى قازاقستاننىڭ نەگىزگى ۇلەسى 80 پايىزدى قۇرادى. دەگەنمەن, قازىرگى كورسەتكىشتەر ءبىزدىڭ جيىنتىق ەكونوميكالىق الەۋەتىمىزگە ءالى دە سايكەس كەلمەي وتىر. مەنىڭشە, ء«ۇندىستان – ورتالىق ازيا» ءسامميتى سىندى مۇنداي ديالوگ الاڭىنىڭ جۇمىسى ەلدەرىمىزدىڭ كەزەڭ-كەزەڭىمەن دامۋى ءۇشىن, جاڭا سىن-تەگەۋىرىندەر مەن قاتەرلەرگە ءتيىمدى جاۋاپ ازىرلەۋ ءۇشىن ءىس جۇزىندە پايداسى بار», دەپ اتاپ ءوتتى قاسىم-جومارت توقاەۆ ء«ۇندىستان – ورتالىق ازيا» ءسامميتى بارىسىندا.
قر پرەزيدەنتى پىكىر الماسۋدىڭ وسىنداي بىرەگەي فورماتى مەملەكەتتەر اراسىنداعى ىنتىماقتاستىقتى ساپالى جاڭا دەڭگەيگە شىعارۋعا سەپ بولاتىندىعىن باسا ايتتى.
