اقمولا وبلىسى تجد ءباسپاسوز قىزمەتىنىڭ مالىمەتىنشە, 26 قاڭتاردا ساعات 22:10-دا 5 قاباتتى تۇرعىن ۇيدە ءورت شىققانى تۋرالى تەلەفون حابارلاماسى كەلىپ تۇسكەن.
«شاقىرتۋ ورنىنا تجد-ءنىڭ 20 قىزمەتكەرى مەن ءتورت تەحنيكاسى دەرەۋ جىبەرىلدى. ءبىرىنشى قاباتتاعى پاتەردە 15 شارشى مەتر الاڭدا ءورت بولدى, سونىڭ ناتيجەسىندە تجد كۇشتەرى باسپالداق مارشى بويىنشا 35 ادامدى, ونىڭ ىشىندە 14 بالانى ەۆاكۋاتسيالادى», دەپ ءتۇسىندىردى ۆەدومستۆودان.
ساعات 22:10-دا اۋىزدىقتالعان ءورت جەدەل ارەكەت ەتۋ ناتيجەسىندە ساعات 22:35-تە تولىقتاي ءسوندىرىلدى. زارداپ شەككەندەر جوق, ءورتتىڭ سەبەبى انىقتالۋدا.
پوليتسيا دەپارتامەنتىنىڭ ءباسپاسوز قىزمەتى حابارلاعانداي, پاتەرلەردىڭ بىرىندە مۇگەدەكتىگى بار ەر ادام بولعان. قۇتقارۋشىلار ونى پاتەردەن اربامەن الىپ شىقتى.
