بەيجىڭدەگى چاويان جانە يانتسين اۋداندارىنداعى كەنتتەردە 3500-گە جۋىق توسەك ورىن قاراستىرىلعان, ال قىتاي استاناسىنان سولتۇستىك-باتىسقا قاراي جوبامەن 160 شاقىرىم جەردە ورنالاسقان چجانتسزياكوۋداعى قالاشىق 4-20 اقپان ارالىعىندا وتەتىن ويىندارعا قاتىساتىن كوماندالاردىڭ شامامەن 2800-گە جۋىق سپورتشىسى مەن رەسمي تۇلعانى قابىلدايدى.
چاويان كەنتىندە نەگىزىنەن كونكيمەن سىرعاناۋ جارىستارىنا قاتىسۋشىلار تۇراتىن بولسا, يانتسيندەگى قالاشىقتا تاۋ شاڭعىشىلارىن قارسى الادى. چجانتسزياكوۋ ايماعىنداعى اۋىلدا شاڭعىشىلار, سنوۋبوردشىلار جانە ترامپليننەن سەكىرۋشىلەر تۇراتىن بولادى.
جاپونيانىڭ شايبالى حوككەيدەن ايەلدەر قۇراماسىنىڭ وليمپيادالىق قالاشىققا بەيسەنبى كۇنى تۇستەن كەيىن كەلۋى كۇتىلۋدە. سپورتشىلار 3 اقپان كۇنى ۋكەسونگ سپورت ورتالىعىندا وتەتىن العاشقى ويىنىندا شۆەتسيا كومانداسىمەن كەزدەسەدى.
