سەنات وتىرىسىنىڭ كۇن ءتارتىبى بەلگىلەندى

كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتى بيۋروسىنىڭ وتىرىسى بولدى. بيۋرو مۇشەلەرى پالاتانىڭ 20 ناۋرىزدا بولاتىن وتىرىسىنىڭ كۇن ءتارتىبىن قارادى, دەپ حابارلادى سەناتتىڭ ءباسپاسوز قىزمەتى. وتىرىستا قازاقستان مەن ۆەتنام اراسىنداعى ازاماتتىق ىستەر بويىنشا ءوزارا قۇقىقتىق كومەك تۋرالى كەلىسىمدى; ەڭ تومەنگى جالاقىنى بەلگىلەۋ رەسىمىن جاساۋ تۋرالى كونۆەنتسيانى (26-كونۆەنتسيا); جالاقىنى قورعاۋ تۋرالى كونۆەنتسيانى (95-كونۆەنتسيا) راتيفيكاتسيالاۋ تۋرالى زاڭ جوبالارىن; «ازاماتتىق قورعاۋ تۋرالى» جانە ازاماتتىق قورعاۋ ماسەلەلەرى بويىنشا ىلەسپە زاڭ جوبالارىن ءبىرىنشى وقىلىمدا, زاڭناماعا ىشكى ىستەر ورگاندارىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ەكىنشى وقىلىمدا قاراۋ جوسپارلاندى. بيۋرودا ماجىلىستە ماقۇل­­­­دانعان زاڭ جوبالارىنا سەناتتىڭ باس كوميتەتتەرى بەلگىلەندى. حا­­لىقارالىق قاتىناستار, قور­عانىس جانە قاۋىپسىزدىك كوميتەتىنە 1994 جىلعى 28 ناۋرىزداعى قازاقستان مەن رەسەي اراسىنداعى ونەركاسىپتىك اۆاريالاردىڭ, اپاتتاردىڭ, دۇلەي ءزىلزالالاردىڭ الدىن الۋ جانە ولاردىڭ زارداپتارىن جويۋ سالاسىنداعى ىنتىماقتاستىق تۋرالى كەلىسىمگە اۆاريالىق-قۇتقارۋ قىزمەتتەرى مەن قۇرىلىمدارىنىڭ مەملەكەتتىك شەكارانى كەسىپ ءوتۋىنىڭ وڭايلاتىلعان ءتارتىبى تۋ­رالى ۇكىمەتارالىق حاتتامانى راتيفيكاتسيالاۋ تۋرالى زاڭ جوباسى بەرىلدى. سونداي-اق, وسى كوميتەت قازاقستان مەن قىرعىزستان اراسىنداعى توتەن­شە جاعدايلار جانە دۇلەي ءزىل­زا­­­لالاردىڭ قاۋىپ-قاتەرىن ازايتۋ ءجو­نىندەگى ورتالىقتى قۇرۋ تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوباسىنا باس كوميتەت بولىپ بەلگىلەندى. ودان باسقا, بيۋرودا قازاقستان رەسپۋبليكاسى پارلامەنتى سەناتىنىڭ قۇرمەت گراموتاسىمەن ماراپاتتاۋ ماسەلەسى دە قارالدى.