«ايقىن ءتاريفى» اشىقتىققا نەگىزدەلەدى

«نۇر وتان» پارتياسى «ايقىن تاريف» جوباسىن ىسكە قوسىپ وتىر. بۇل جونىندە كەشە وسى پارتيانىڭ پارلامەنت ماجىلىسىندەگى فراكتسياسى جانىنداعى ەكونوميكالىق ساياسات جونىندەگى كەڭەستىڭ جانە «نۇر وتان» پارتياسى سايلاۋالدى تۇعىرناماسىنىڭ «يننوۆاتسيالىق ەكونوميكا» باعىتىنداعى ساراپشىلار توبىنىڭ باس قوسقان وتىرىسىندا ايتىلدى. كەڭەس وتىرىسىندا ەنەر­گيا ۇنەمدىلىگى مەن كاسىپ­ورىن­دارداعى ەنەرگيا تيىمدىلىگىن ارتتىرۋ ماسەلەسى جان-جاقتى تالقىعا ءتۇستى. وتىرىستا ءسوز العان ين­دۋس­تريا جانە جاڭا تەحنولوگيالار ۆيتسە-ءمينيسترى البەرت راۋ جۇرگىزىلىپ كەلە جاتقان قۋات ۇنەمدەۋ ساياساتى ءتيىستى ناتيجەگە قول جەتكىزىپ وتىرعاندىعىن اتاپ ءوتتى. ونىڭ ايتۋىنشا, ەل­دىڭ ىشكى جالپى ونىمىندە ەنەرگيا جۇمسالۋى 2008 جىلمەن سا­لىستىرعاندا 13,5 پايىزعا ازاي­عان. ءسويتىپ, ءىجو ەنەرگيا جۇم­سالۋىنىڭ ءۇيدمب ماقساتتى كورسەتكىشى 10 پايىز مەرزىمىنەن بۇرىن ورىندالعانىن كورسەتكەن. بۇدان باسقا, شارا با­رى­­سىن­دا تابيعي مونوپوليا سۋبەك­تىلەرىنىڭ قارجى جۇم­سا­ۋى­نا باقىلاۋدى كۇشەيتۋگە جانە ين­ۆەس­تيتسيالىق باعدار­لامالاردى دايىنداۋ مەن جۇزەگە اسىرۋدى بارىنشا اشىق جۇرگىزۋگە باعىتتالعان «ايقىن تاريف» جوباسى جان-جاقتى تالقىلاندى. بۇل تاريف ءتۇرى جەكە تۇلعالارعا ارنالعان كوممۋنالدىق قىزمەت باعاسىنىڭ قالىپتاسۋ دەڭ­گەيىنىڭ اشىقتىعىن ارتتىرۋعا ءتيىس, دەپ كۇتىلۋدە. «ايقىن تاريف» جوباسى بو­يىنشا جۇمىس ەكى باعىتتا جۇرگىزىلمەك ەكەن. اتاپ ايتقاندا, بىرىنشىدەن, تابيعي مونوپوليا سۋبەكتىلەرى قارجىسىنىڭ جۇمسالۋىنا باقىلاۋدى كۇ­­شەي­تۋ جوسپارلانعان. وسى ورايدا تاۋەلسىز كاسىبي ساراپشى­لار­دى قاتىستىرۋ دا ويلاستى­رىلىپ, اسىرەسە, اشىق تەكسەرۋ­لەر جۇرگىزە وتىرىپ, كوممۋ­نال­­دىق قىزمەت كورسەتۋ سالا­سىن­­داعى ينۆەستيتسيالىق باع­دار­­لامالاردىڭ دايىندالۋى مەن ورىندالۋىنا بايلانىستى ازاماتتىق باقىلاۋدىڭ تەتىگى جە­­تىلەتىن بولادى. ەكىنشى باعىت مونوپوليست-كومپانيالار­­دىڭ جاڭ­­عىرتۋ مەن ءتاريفتى وزگەرتۋ جوس­پارىنا وراي تۇرعىنداردى حا­باردار ەتۋىن كۇشەيتۋدى كوز­دەيدى. مۇنداي حاباردار ەتۋ تەتىكتەرى رەتىندە قوعامدىق باقى­لاۋدىڭ قۇرالدارىن پايدالانۋ ۇسىنىلىپ وتىر. وسى ماسەلە بويىنشا ءتۇ­سىنىك بەرە كەتكەن «نۇر وتان» پارتياسىنىڭ حاتشىسى ەلدار سىزدىقوۆ ءوز ويىن بىلايشا ءوربىتتى: «كوممۋنالدىق قىزمەت باعاسى ۇدايى وسەدى, وسىعان وراي تۇرعىنداردا بىرقاتار ساۋالدار تۋىندايدى. تاريف قۇرىلىمى ايقىندىعىنىڭ دەڭگەيىن كوتەرۋ ءۇشىن ءبىز ۇنقاتىسۋ الاڭىنا ساراپشىلاردى تارتۋدى جوسپارلاۋدامىز, ول جەردە الەۋمەت پەن مونوپوليست-كومپانيالار كۇردەلى ماسەلەلەرگە بايلانىستى پىكىرلەسە الاتىن بولادى». اسقار تۇراپباي ۇلى, «ەگەمەن قازاقستان».