2016 جىلى Neuralink-ءتىڭ نەگىزىن قالاعان ماسك تەحنولوگياسى تۋرالى «سال اۋرۋى بار ادامداردىڭ سمارتفوندى ساۋساقتىڭ كومەگىمەن قولداناتىن ادامعا قاراعاندا ميدىڭ كۇشىمەن تەزىرەك قولدانۋىنا مۇمكىندىگى بولادى» دەگەن پىكىر ايتقان ەدى.
جاساندى ينتەللەكتتىڭ ميكروچيپتەرىن پەيدجەر ەسىمدى ماكاكا مايمىلىنىڭ ميىنا جانە گەرترۋدا اتتى تالپاق تاناۋعا ءساتتى يمپلانتاتسيالاعان. سيليكون القابى كومپانياسى قازىرگى ۋاقىتتا جاڭا تەحنولوگيانى ادامدارعا سىناقتان وتكىزۋ ءۇشىن «كلينيكالىق زەرتتەۋلەر جونىندەگى مامانداردى» جيناپ جاتىر.
Neuralink بۇعان دەيىن تەك اقىل-ويىن قولدانا وتىرىپ, Pong بەينە ويىنىن وينايتىن, چيپكە يمپلانتاتسيالانعان مايمىلدىڭ بەينەسىن جاريالاعان بولاتىن.
«مەنىڭ ويىمشا, Neuralink كومەگىمەن ج ۇلىن جاراقاتى بار ادامنىڭ بۇكىل دەنەسىنىڭ فۋنكتسياسىن قالپىنا كەلتىرۋگە مۇمكىندىك بار. Neuralink مايمىلدارمەن جاقسى جۇمىس ىستەيدى. ءبىز كوپتەگەن سىناقتاردى جۇرگىزىپ جاتقاندىقتان ونىڭ وتە قاۋىپسىز, سەنىمدى ەكەنىنە, قۇرىلعىنى كەز-كەلگەن ۋاقىتتا دەنساۋلىققا زيان كەلتىرمەي الىپ تاستاۋعا بولاتىندىعىن راستايمىز», دەيدى ول.
يلون ماسك «بۇل قۇرىلعى باس سۇيەگىنە جاقىن يمپلانتاتسيالانىپ, سىمسىز زاريادتالادى, سوندىقتان ءسىز ءوزىڭىزدى قالىپتى سەزىنەسىز», دەيدى.
2019 جىلى قۇرىلعى 2020 جىلعا قاراي ادامنىڭ باس سۇيەگىنە ورناتىلادى دەگەن بولجام جاسالعان.
اسەل جيگيتوۆا,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى.
