جاڭاشا جۇمىس ىستەۋ - ۋاقىت تالابى

ەلباسى ءوز جولداۋلارىندا ءبىلىم بەرۋ ساپاسىنا ۇلكەن كو­ڭىل ءبولىپ, باسەكەگە قابىلەتتى, ساۋات­تىلىعى جوعارى ەلگە اي­نالۋ ءمىن­دەتىن العا قويىپ كەلە­دى. ءيا, ءبۇ­گىنگىدەي قا­رىش­تاپ دامىعان زاماندا عىلىم مەن ءبىلىمنىڭ وزىق تەحنو­لوگيالارى مەن يننوۆاتسيالىق ءادىس-ءتاسىل­دەرىن مەڭگەرۋدىڭ, كا­سىپ­­كەر­لىككە باعدارلانعان وقۋ باع­دارلامالارىن ەنگىزۋدىڭ ءومىر­شەڭ­دىگى ايقىن سەزىلىپ وتىر. «ورلەۋ» بىلىكتىلىكتى ارتتىرۋ ۇلت­تىق ور­تالىعى سولتۇستىك قازاق­­ستان وبلىستىق فيليالى ءبىلىم مەن كاسىبي ماشىقتى زاماناۋي ءبىلىم بەرۋ جۇيەسىنىڭ, كادر دايا­ر­لاۋ مەن قايتا دايارلاۋدىڭ نەگىزگى باعدارىنا اينالدىرا وتىرىپ, ۇستازداردىڭ كاسىبي شەبەرلىگىن كوتەرىپ, قالىپتاسقان ءىس-ءتا­جى­ريبەلەرىن تاراتۋ, كۋرس ءجا­نە كۋرس­ارا­لىق كەزەڭدەردە ءبىلىم­دەرىن جەتىلدىرۋ تالابىنان اۋىتقىعان ەمەس. بىلىكتىلىكتى ارتتىرۋدىڭ جا­ڭار­تىلعان ۇلگىسى بويىنشا پە­داگوگ كادرلارىن قايتا دايارلاۋ جۇيەسىندە ساپالى ءبىلىم بەرۋ قول­جەتىمدىلىگى مەن الەمدىك ستاندارتتار ولشەمىن جەتەكشىلىككە الامىز. ءبىز الدىمەن ۇجىم ءمۇ­شە­لەرى­نىڭ ىسكەرلىگى مەن ءبى­لىك­تىلىگىنە ءسۇ­يەنەمىز. ءويت­كەنى, كۋرستىق دايىن­دىق باعدارلاماسىنىڭ ساپالى بولۋى, وقىتۋ ادىستەمەلەرىنىڭ ءتيىم­دىلىگى كوپ نارسەنى شەشەدى. وقىتۋشىلار قۇرامىنىڭ 9,3 پايىزىن عىلىمي دارەجەسى بار وقىتۋشىلار, 43,3 پايىزىن ماگيسترلەر قۇرايدى. ءبىر-ەكى جىل كولەمىندە قاتارىمىز تاعى 12 ماگيسترمەن تولىعادى. دەڭگەيلىك باعدارلامالار ورتالىعىنىڭ 11 جاتتىقتىرۋشىسى كەمبريدج حالىقارالىق ەمتيحان كەڭەسىنىڭ, «نازارباەۆ زياتكەرلىك مەك­تەبى» ااق پەداگوگيكالىق شە­بەر­لىك ورتالىعىنىڭ سەرتي­في­كاتىن يەلەنگەن. 26 وقى­تۋ­شى­نىڭ حالىقارالىق جانە رەسپۋبليكالىق دەڭگەيدەگى سەرتيفيكاتى بار. 2 كافەد­رانىڭ 19 وقىتۋشىسى, 11 سەرتيفيكاتتالعان جاتتىق­تىر­ۋشى, بولىمدەردىڭ 20 قىز­مەت­كەرى «نازارباەۆ زياتكەرلىك مەكتەبى» جانە كەمبريدج ۋني­ۆەرسيتەتىمەن بىرلەسىپ ءازىر­لەگەن باعدارلامالار بويىنشا كۋرستىق دايارلىق شارالارىن وتكىزۋگە جەتەكشىلىك ەتەدى. بۇدان تىسقارى فيليالدىڭ ءوز ولشەمدەرىنە ءساي­كەس قالىپتاسقان داستۇرلەردى جاڭعىرتا وتىرىپ, پەداگوگيكالىق قىزمەتتىڭ ۇلگىلى ۇدەرىستەرىنەن قالماۋ, باستاماشىلدىقتاردى قولداۋ جاعىنا دا ەرەكشە نازار اۋدارىلادى. اسىرەسە, كور­پو­راتيۆتىك مادەنيەتتى جاڭعىرت­پايىنشا ءبىلىم بەرۋ ورتاسىندا باسەكە­لەس­تىكتى ورىستەتۋ مۇمكىن ەمەس. اتاپ ايتار بولساق, كاسىبي دامىتۋ, شىعارماشىلىق ۇم­تى­لىس, كوماندالىق رۋح, القا بولىپ شەشىم قابىلداۋ ارقىلى بىلىكتىلىكتى ارتتىرۋدىڭ وڭ­تاي­لى جولدارىن تابۋعا بولا­دى. بۇل سالاعا مەكتەپ, ليتسەي, گيم­نازيا جانە تاعى باسقا ءبىلىم بەرۋ ۇيىمدارى كەڭىنەن قاتىستىرىلىپ, ءبى­لىم ساپاسىن قوعام مەن ەڭبەك نارىعىنىڭ جوعارى تالاپتارىنا ۇيلەستىرۋدىڭ وزەكتى ماسەلەلەرى جان-جاقتى تال­قى­لانادى. ۇجىمدا 9 قازان «جاس قىزمەتكەرلەردىڭ شىعار­ماشىلىق جانە وزىندىك كاسىبي ىسكە اسىرۋ كۇنى» رەتىندە اتالىپ وتەدى. مۇنداعى ماقسات اعا بۋىن ارىپتەستەرىنىڭ باي ءىس-تاجىريبەسىن ناسيحاتتاۋدى, ءوزارا شىعارماشىلىق بايلانىسقا ءتۇسۋدى, جاستاردىڭ تۇلعالىق, كاسىبي داعدىسىن شىڭداۋدى كوزدەيدى. «جاستار باستاماسى» قوعامدىق بىرلەستىگى ورتالىعى دا ءبىلىم بەرۋ كەڭىستىگىندە اكتسيالار, فلەشموب, تانىستىرىلىمدار ۇيىمداستىرۋ ارقىلى ءوز جوبالارىن ءساتتى جۇزەگە اسىرىپ كەلەدى. فيليال وقىتۋشىلارى مەن وب­لىس پەداگوگتارى بىرلە­سىپ جاز­عان وقۋلىقتار مەن ادىستەمەلىك قۇرالدار شىعارۋ تاجىريبەسى وڭ ءۇردىس تاپقان. كوپتەگەن وقۋلىقتار مەن ءادىس­تەمەلىك قۇرالدار وسىنداي ورتاق ويدان تۋىپ, ساپالى ءبىلىم بەرۋدىڭ العى يدەيالارى, ءبىلىم بەرۋ مەن مادەنيەت سالالارىنداعى وزگەشەلىكتەر, يننوۆاتسيالىق جاڭا­لىقتار توعىسقان. الدا دا وقۋ, وقىتۋ ادىستەمەسىن جەتىلدىرۋگە با­عىت­تالعان شىعارماشىلىق ىزدەنىستەردىڭ اۆتورلىق ەڭبەكتەرى جارىق كورەدى. ال, كۋرستىق دايار­لىقتار كەزىندە «مۇعالىمنىڭ ادەبىن جانە كورپوراتيۆتىك ءما­دە­نيەتىن قالىپتاستىرۋ», «پە­داگوگيكالىق بەدەلتانۋ», تاعى باسقا تاقىرىپ­تار اياسىنداعى ساباقتارعا قىزىعۋ­شىلىق كوپ. ءوز كەزەگىندە ءار كۋرس كۋراتورلىق ساعاتتارمەن اشى­لادى. وندا وقىتۋشىلار بىلىك­تىلىكتى ارتتى­رۋداعى جاڭا ءبىلىم بەرۋ ساياساتىنا, ۇسىنىلىپ وتىر­عان ەلەك­تيۆتىك ۇلگىنىڭ فيلوسوفياسىنا, وقۋ ماتەريالىنىڭ ورنالاسۋ قيسىنىنا, ينتەراك­تيۆتى ساباق ۇلگىلەرىن تاڭداۋ­عا, دايار­لىق كۋرسىنىڭ قاتى­سۋ­شى­لارىن باعالاۋ جۇيەسىنە كەڭ تۇسىنىك بەرەدى. مۇنىڭ ءوزى كۋرسقا قاتىسۋشىلار مەن وقىتۋشىلار اراسىندا سىندارلى ارىپتەستىك قاتىناس ور­ناتۋعا سەپتىگىن تيگىزەرى انىق. كۋرستىق دايارلىقتىڭ سوڭىن­دا تىڭداۋشىلاردىڭ شىعار­ما­شىلىقتارى توپتىق ەسەپتەر, ستەندتىك ماتەريالدار, ادىستەمەلىك ۇسىنىستار, ەسسە, ءبىلىم بەرۋ جوبالارى, اقىندىق, دىبىس جانە بەينەماتەريالدار تۇرىندە كورىنىس تابادى. كورپوراتيۆتىك مادەنيەتتى دامىتۋدىڭ باسقا دا جولدارى قاراستىرىلعان. ماسەلەن, فيليال سايتىندا ماتەريالداردى ورنالاستىرۋداعى جەدەلدىك مەن ۇتقىرلىقتىڭ, مازمۇن ساپاسىنىڭ, تاجىريبە قۇندىلىعىنىڭ, تەكسەرۋ مەن تالداۋداعى ادىستەمەلىك جاڭاشىلدىقتىڭ ءمانى ەرەكشە. پروبلەمالىق-تاقىرىپتىق سەمينارلاردا SWOT تالداۋ ماسەلەلەرى, ولاردى شەشۋ جولىن­داعى رەسۋرس­تار­دى ايقىنداۋ, كادرلىق, ۇيىم­داستىرۋشىلىق, اقپا­راتتىق, تەحنولوگيالىق, وزىندىك ءبىلىم بەرۋ جايلارى ءجۇ­يە­لى تالقىلانادى. تاقىرىپ­تاردىڭ وزەكتىلىگى, عى­لى­ميلىعى, تاجىريبەلىك ماڭىز­دىلىعى باسا ەسكەرىلەدى. كادرلار­مەن جۇمىس ىستەۋدە «ءبىلىم – ءومىر­دىڭ بارلىق اعىمىندا» دەگەن فيلوسوفيالىق تۇجىرىمدى ءسىڭىرۋ – العىشارت. بۇل قاعيداتتى كەڭ تۇردە جۇزەگە اسىرۋ كۋرستىق دايىندىقپەن قاتار الەۋمەتتىك-مادەني ىزدەنىس­تەردى دە قاجەت ەتەدى. فيليالدىڭ بيىلعى قىز­مەتى كورپوراتيۆتىك مادە­نيەتتى كوكەيكەستى ەتۋگە, پەداگوگي­كا­لىق قوعامداستىقتىڭ شى­عار­­ما­شىلىعىن دامىتۋعا با­عىت­تالعان. ول ءۇشىن «اۋىل مەك­تەبى», «جاڭا مەكتەپ», «ءبىلىم بەرۋ­دەگى كوشباسشىلىق» سە­كىل­دى پەداگوگتاردىڭ كاسىبي شەبەر­لىگىن جەتىلدىرۋگە ارنالعان كون­كۋرستارعا باسىمدىق بە­رىلگەن. تالىمگەر-پەداگوگ پەن جاس ما­مان­نىڭ بىرلەسكەن جۇمىس­تارىنا قاتىستى دوڭگەلەك ۇستەلدەر, ءپى­كىر­تالاستار, پەدا­گوگيكالىق ش­ە­شەن­دىككە بايلانىستى ترەنينگتەر, سەمينارلار, پىكىر الماسۋ الاڭدارى كەڭىنەن پايدالانىلادى. «ورلەۋ» ساراپتاماسىنان وتكەن وقۋ باعدارلامالارى مەن وقۋ-ادىستەمەلىك كەشەندەرى جالپى جيناققا ەنگىزىلىپ, «بىلىكتىلىكتى ارتتىرۋ كۋرسىنىڭ جاڭارتىلعان ەڭ ۇزدىك باعدارلاماسى», «بىلىك­تىلىكتى ارتتىرۋ كۋرسىنىڭ ەڭ ۇزدىك واك» بايقاۋلارىنا قاتىسادى. ءبىلىم جانە عىلىم مينيستر­لىگى مەن وبلىس اكىمىنىڭ ارا­سىنداعى مەموراندۋمعا سايكەس بيىل 3500-گە جۋىق مۇعالىمدى جاڭا فورماتتاعى بىلىكتىلىكتى ارتتىرۋ كۋرستارىنا, اقپاراتتىق-كوممۋنيكاتسيالىق تەحنولوگيا­لاردى وقۋ-تاربيە ۇدەرىسىنە پايدالانۋ, ءبىلىم مەن تاربيەنىڭ وزەكتى ماسەلەلەرىن دامىتۋ باعدار­لاما­لارى بويىنشا عىلىمي جانە ءتاجى­ريبەلىك دەڭگەيدە دايارلىقتان وتكىزۋدى جوسپارلاپ وتىرمىز. فيليال ۇجىمىنىڭ بىرلەسكەن شىعارماشىلىق جۇمىستارى ءوز جەمىسىن بەرىپ كەلەدى. الما مىرزالينوۆا, پەداگوگيكا عىلىمدارىنىڭ دوكتورى,  اينا قاراباتىروۆا, اعا وقىتۋشى. پەتروپاۆل.