«تەرروريزمگە قارسى وپەراتسيانى جۇرگىزۋ بارىسىندا ۇرلانعان قارۋدىڭ 515-ءى تابىلىپ, تاركىلەندى. ونىڭ ىشىندە 75 اۆتومات, 133 پيستولەت, 2 پۋلەمەت, 47 ويىق ءارى 103 تەگىس ۇڭعىلى قارۋ, 100-دەن استام گراناتا, 9 مىڭنان استام وق-ءدارى. قارۋدى ۇرلاعانى ءۇشىن 98 ادام ۇستالىپ, ۋاقىتشا ۇستاۋ اباقتىسىنا قامالدى جانە ولاردى زاڭسىز ساقتاعانى ءۇشىن 61 ادام ۇستالدى», دەدى س. ءادىلوۆ.
وسى ورايدا ول ۇرلانعان قارۋ حالىقتىڭ ءومىرى مەن قاۋىپسىزدىگىنە قاۋىپ توندىرەتىنىن, ويتكەنى ول ەندى كەز كەلگەن زاڭسىز ارەكەتتەرگە قولدانىلۋى مۇمكىن ەكەنىن اتاپ ءوتتى.
«بارلىق ادامداردىڭ قارۋدى ۇرلاۋعا قاتىسى بولماۋى مۇمكىن ەكەنىن ەسكەرە وتىرىپ, تاۋىپ العان ازاماتتاردى ەرىكتى تۇردە تاپسىرۋعا تاعى دا شاقىرامىز. بۇگىنگى تاڭدا 31 قارۋ ەرىكتى تۇردە تاپسىرىلعانىن اتاپ وتكىم كەلەدى. ارنايى جەدەل-تەرگەۋ توپتارى قۇرىلدى جانە جۇمىستارىن اتقارىپ جاتىر, كاسىبي كومەك كورسەتۋ ءۇشىن ءىىم ورتالىق اپپاراتىنان تاجىريبەلى قىزمەتكەرلەر جىبەرىلدى. وسى مۇمكىندىكتى پايدالانا وتىرىپ, ازاماتتاردى تاعى دا تىنىشتىققا جانە تولىق, جان-جاقتى ءارى وبەكتيۆتى تەرگەپ-تەكسەرۋگە باعىتتالعان تەرگەۋ راسىمدەرىنە تۇسىنىستىكپەن قاراۋعا شاقىرامىن», دەدى سانجار ءادىلوۆ.
