ء«بارىمىز سىرتقى كۇشتەر ءتۇرلى توڭكەرىس ۇيىمداستىرۋىنا, ادام قۇقىقتارى دەگەن سىلتاۋمەن ىشكى ىستەرگە ارالاسۋعا, حالقىمىزدىڭ تىنىش ءومىرىن بۇزۋعا تىرىسۋىنا ءۇزىلدى-كەسىلدى قارسى بولامىز. جاقىندا قازاقستانداعى تارتىپسىزدىكتەر ادام ءولىمى مەن ماتەريالدىق شىعىنعا اكەلدى. قازاقستاننىڭ كورشىسى ءارى دوسى بولا وتىرىپ, قىتاي زورلىق-زومبىلىقتى توقتاتۋ جانە جاعدايدى تۇراقتاندىرۋ جونىندەگى باعىتىن بارىنشا قولدايدى. قىتاي قازاقستانعا قولداۋ مەن كومەك كورسەتۋگە دايىن. پرەزيدەنت توقاەۆتىڭ بەرىك باسشىلىعىمەن قازاقستان حالقى ءوز ەلى ءۇشىن جارقىن بولاشاققا ۇمتىلادى دەپ سەنەمىن», دەدى سي تسزينپين «ورتالىق ازيا-قحر» ونلاين سامميتىندە.
قحر باسشىسى قىتاي ىزگىلىك, شىنايىلىق, ءوزارا تيىمدىلىك جانە تولەرانتتىلىق تۇجىرىمداماسىن ۇستاناتىنىن, الداعى ۋاقىتتا دا ورتالىق ازيا مەملەكەتتەرىمەن جوعارى دەڭگەيدەگى بايلانىستاردى كەڭەيتەتىنىن, ستراتەگيالىق باعىتتى جانداندىراتىنىن ايتتى.
«ورتالىق ازيا ەلدەرىنىڭ سىرتقى ىستەر مينيسترلەرى كەزدەسۋلەرىنىڭ جانە ديالوگتىڭ باسقا دا تەتىكتەرىن ىسكە قوسۋ, بىرلىگىمىز بەن ءوزارا سەنىمىمىزدى نىعايتۋ, بىرلەسكەن دامۋ مەن وركەندەۋ مۇددەسىندە ءوزارا ءتيىمدى ىنتىماقتاستىقتى تەرەڭدەتۋ ماڭىزدى دەپ سانايمىن», دەدى سي تسزينپين.
