اقتوبە وبلىسى بويىنشا قىلمىستىق اتقارۋ جۇيەسى دەپارتامەنتىنىڭ ءباسپاسوز قىزمەتىنىڭ حابارلاۋىنشا, وقيعا 23 قاڭتار كۇنى بولدى.
جەدەل مەديتسينالىق جاردەم اۋرۋحاناسىنىڭ حيرۋرگيالىق بولىمشەسىندە ەمدەلىپ جاتقان ا. جەكسەنبى كۇنى تاڭەرتەڭ قاماۋدان قاشىپ كەتتى. بىردەن ىزدەۋ جۇرگىزىلدى.
«اتالعان فاكتى بويىنشا وبلىستىق پوليتسيا دەپارتامەنتى سوتقا دەيىنگى تەرگەۋدى باستادى (قر قك «باس بوستاندىعىنان ايىرۋ ورىندارىنان, قاماقتان نەمەسە كۇزەتتەن قاشۋ» بابى بويىنشا). وقيعانىڭ سەبەپتەرى مەن ءمان-جايلارىن انىقتاۋ ءۇشىن قر ءىىم قىلمىستىق-اتقارۋ جۇيەسى كوميتەتى قىزمەتتىك تەكسەرۋ جۇرگىزىپ جاتىر. تەكسەرۋ ناتيجەلەرى بويىنشا قولدانىستاعى زاڭناماعا سايكەس شارالار قابىلدانادى», دەپ حابارلادى اقتوبە وبلىسى بويىنشا قاج دەپارتامەنتىنىڭ ءباسپاسوز قىزمەتى.
ال بۇگىن وبلىستىق پد ءباسپاسوز قىزمەتى كۇدىكتىنىڭ ۇستالعانىن راستادى.
