فۋتبول: قازاقستان 127-شىورىنعا شىقتى

جاقىندا حالىقارالىق فۋتبول فەدەراتسياسى (فيفا) ۇلتتىق قۇراما كوماندالاردىڭ  جاڭا رەيتينگىن جاريالادى. بۇل تىزىمدە قازاقستان قۇراماسى 128-ورىننان ءبىر ساتىعا كوتەرىلدى. بۇل تۋرالى قازاقستان فۋتبول فەدەراتسياسى حابارلادى. ءتىزىمنىڭ كوش باسىندا  يسپانيا قۇراماسى تۇر. ودان كەيىنگى ورىنداردى گەرمانيا مەن ارگەنتينا يەلەنىپ وتىر. بيىلعى الەم چەمپيوناتىن ءوز ەلىندە وتكىزەتىن برازيليا كومانداسى 9-ورىنعا جايعاستى. ال 2016 جىلى فرانتسيادا وتەتىن ەۋروپا چەمپيوناتىنىڭ ىرىكتەۋ تۋرنيرىنە قازاقستانمەن بىرگە ءبىر توپتا وينايتىن گوللانديا بولسا, وندىقتان شىعىپ قالدى. سول سياقتى چەحيا, تۇركيا, لاتۆيا قۇرامالارى دا ءوز ورىندارىن ساقتاي الماي, تومەنگى ورىندارعا سىرعىدى. ال يسلانديا ءتورت ساتى جوعارىلادى. فيفا رەيتينگى: 1 (1). يسپانيا — 1510 2 (2). گەرمانيا — 1336 3 (3). ارگەنتينا — 1234 4 (4). پورتۋگاليا — 1199 5 (5). كولۋمبيا — 1183 6 (7). ۋرۋگۆاي — 1126 7 (6). شۆەيتساريا — 1123 8 (8). يتاليا — 1112 9 (9). برازيليا — 1104 10 (11). بەلگيا — 1084 11 (10). نيدەرلاندى — 1077 30 (31). چەحيا — 748 38 (42). تۇركيا — 710 52 (48). يسلانديا — 582 113 (111). لاتۆيا — 265 127 (128). قازاقستان — 213 داستان كەنجالين. دەرەككوز: http://www.kff.kz . فوتو: http://www.kff.kz.