ەكولوگيا • 21 قاڭتار، 2022

«جاسىل دامۋ» اق 24 قاڭتاردان باستاپ ۋتيل الىمىن الا باستايدى

1031 رەت كورسەتىلدى

قر ەكولوگيا، گەولوگيا جانە تابيعي رەسۋرستار مينيسترلىگى «وكم وپەراتورىنىڭ» جشس قىزمەتىن توقتاتۋ جونىندەگى جۇمىس توبىنىڭ العاشقى وتىرىسىن وتكىزدى، دەپ حابارلايدى Egemen.kz.

«وكم وپەراتورىنىڭ» قىزمەتىن توقتاتۋ جونىندەگى جۇمىس توبىنىڭ العاشقى وتىرىسى ءوتتى بۇل تۋرالى مينيسترلىكتىڭ رەسمي سايتى جازدى. «بۇگىن ەكولوگيا ءمينيسترى سەرىكقالي برەكەشەۆ قوعام جانە مەملەكەتتىك ورگان وكىلدەرىنىڭ قاتىسۋىمەن «وندىرۋشىلەردىڭ كەڭەيتىلگەن مىندەتتەمەلەرى وپەراتورى» جشس توقتاتىلۋىنا جانە ونىڭ فۋنكتسيالارىن مەملەكەتتىك ۇيىم – «جاسىل دامۋ» اق-عا بەرۋگە بايلانىستى جۇمىس توبىنىڭ العاشقى وتىرىسىن وتكىزىپ، وندا كادەگە جاراتۋ الىمىن اكىمشىلەندىرۋ ماسەلەلەرىن قاراستىردى»، دەلىنگەن رەسمي مالىمەتتە.

ۆەدومستۆونىڭ ۇستانىمى بويىنشا، «جاسىل دامۋ» قالدىقتاردى باسقارۋدا تاجىريبەسى بار ەكولوگيا سالاسىنداعى جالعىز اكتسيونەرلىك قوعام. سونداي-اق، ەكولوگيا، گەولوگيا جانە تابيعي رەسۋرستار مينيسترلىگىنىڭ ۆەدومستۆولىق باعىنىستى ۇيىمى. ياعني، مەملەكەتتىڭ قاتىسۋ ۇلەسى – 100%، اكتسيونەرلىك قوعام قۇرامىندا جەكە جانە زاڭدى تۇلعالار جوق.

«وكم قاعيداتىن ەنگىزۋ ەڭ الدىمەن، بيزنەستىڭ قارجىلىق تۇراقتىلىعىن قامتاماسىز ەتۋ تەتىكتەرىن قۇرۋ ەسەبىنەن قالدىقتارمەن جۇمىس ىستەۋ سالاسىندا ەلدەگى پروبلەمالىق ماسەلەلەردى شەشۋگە اسەر ەتتى. بۇگىندە ءبىز قالدىقتاردى قايتا وڭدەۋ ۇلەسىنىڭ 2016 جىلعى 2،6%-دان 2021 جىلى 21%-عا دەيىن ارتقانىن كورىپ وتىرمىز. وسى كەزەڭدە 264 مىڭ توننا قاپتاما قالدىق، 310 مىڭ توننا اۆتوموبيل بولشەكتەرىنىڭ قالدىعى جينالىپ، كادەگە جاراتىلدى»، دەدى ءمينيسترى سەرىكقالي برەكەشەۆ كەزدەسۋدە.

مينيسترلىك تاراتقان مالىمەت بويىنشا، بۇگىندە «جاسىل دامۋ» اق ەكىنشى دەڭگەيلى بانكتەردە شوتتار اشىپ، تولەم جۇيەلەرىنە وزگەرىستەر ەنگىزۋدە.

ال 24 قاڭتاردان باستاپ «جاسىل دامۋ» اق ۋتيل المىن قابىلداي باستايدى.



 

سوڭعى جاڭالىقتار

ۇقساس جاڭالىقتار