قامقورشىلىق كەڭەس مۇشەلەرى قوردىڭ حالىقپەن ءوزارا ءىس-قيمىل تەتىكتەرىنە, قازاقستاندىقتاردىڭ قورعا قالاي جۇگىنەتىنىنە, وتىنىمدەر قالدىرۋىنا باستى نازار اۋداردى.
قور سونداي-اق قايىرىمدىلىق ۇيىمدارىمەن, مەملەكەتتىك ورگاندارمەن جانە قايىرىمدىلىق كومەك كورسەتۋگە تارتىلعان باسقا دا ۇيىمدارمەن ىنتىماقتاستىق فورماتىن ايقىنداۋى ءتيىس. ءوزارا ءىس-قيمىلدىڭ نەگىزگى قۇرالى قوردىڭ ەلەكتروندىق پورتالى بولعانى دۇرىس.
وڭتايلى شەشىم قابىلداۋ ءۇشىن «قازاقستان حالقىنا» قورى قىزمەتىنىڭ تۇجىرىمداماسىن ازىرلەيتىن جۇمىس توبى قۇرىلدى.
سونىمەن قاتار, قامقورشىلىق كەڭەسىنىڭ مۇشەلەرى قىزمەتكەرلەردى, ەڭ الدىمەن مەملەكەتتىك قىزمەتكەرلەردى, بيۋدجەتتىك سالا قىزمەتكەرلەرىن ءبىر كۇندىك جالاقىنى اۋدارۋعا ماجبۇرلەۋ جاعدايلارى تۋرالى ءوز پىكىرلەرىن ءبىلدىردى. قامقورشىلىق كەڭەس مۇشەلەرى وسى تاجىريبەمەن ءۇزىلدى-كەسىلدى كەلىسپەيتىندىكتەرىن ايتتى.
ء«بىز بارلىق قازاقستاندىقتارعا ۇندەۋ جاسايمىز جانە «قازاقستان حالقىنا» قورى تەك جەكە جانە زاڭدى تۇلعالاردىڭ ەرىكتى قايىرمالدىقتارىنان قالىپتاستىرىلاتىنىنا تاعى دا نازارلارىڭىزدى اۋدارامىز. سونىمەن قاتار, ءبىز قورعا ءوز ۇلەستەرىن قوسقان قازاقستاندىقتار مەن ۇيىمدارعا العىس ايتامىز جانە ءوز تاراپىمىزدان كومەكتىڭ مۇقتاج ادامدارعا جەتەتىنىنە كەپىلدىك بەرەمىز», دەپ قامقورشىلىق كەڭەسىنىڭ مۇشەلەرى ايتىپ ءوتتى.
ەستەرىڭىزگە سالا كەتەيىك, 2022 جىلعى 16-19 قاڭتار ارالىعىندا (قوسا العاندا) قوعامدىق قورعا 16 167 قازاقستاندىقتان 29,3 ملن تەڭگە ءتۇستى. 75 زاڭدى تۇلعا مەن ءىرى كاسىپكەرلەردەن 19,2 ملرد تەڭگە ءتۇستى.
