بۇل شارا ۇكىمەت بەكىتكەن 2022 جىلعى قاڭتارداعى جەكەلەگەن وڭىرلەردەگى تارتىپسىزدىكتەر سالدارىنان شاعىن جانە ورتا كاسىپكەرلىك سۋبەكتىلەرىنە كەلتىرىلگەن م ۇلىكتىك زالالدى وتەۋ مەحانيزمىنە سايكەس ىسكە اسىرىلادى.
ەسكە سالساق, زالالدى وتەۋ تۋرالى ءوتىنىش ەتسق كومەگىمەن https://infokazakhstan.kz سايتى ارقىلى بەرىلەدى. مەحانيزمگە سايكەس زالالدى وتەۋ تۋرالى وتىنىشتەردى وڭىرلىك كوميسسيالار كۇنتىزبەلىك 5 كۇن ىشىندە قارايدى. ءوتىنىش ماقۇلدانعان جاعدايدا ۇسىنىلعان مالىمەتتەر مەن قۇجاتتار نەگىزىندە وڭىرلىك كوميسسيا ايقىندايتىن مولشەردە قاراجات ءبولۋ تۋرالى شەشىم شىعارىلادى.
قارجى قازاقستان رەسپۋبليكاسىنىڭ بيۋدجەتتىك راسىمدەرىنە سايكەس م ۇلىك يەسىنىڭ وتىنىشىندە كورسەتىلگەن اعىمداعى نەمەسە جيناق شوتىنا ءتيىستى شەشىم قابىلدانعان كۇننەن باستاپ ءبىر اي ىشىندە ءوتىنىش بەرۋشىگە اۋدارىلادى دەپ بولجانادى.
«زارداپ شەككەن كاسىپكەرلەردىڭ نازارىنا!
زالالدى وتەۋگە ءوتىنىش بەرەر الدىندا https://infokazakhstan.kz/faq/documents/ سىلتەمە بويىنشا نۇسقاۋلىقپەن تانىسۋىڭىزدى سۇرايمىز, سونداي-اق قاجەتتى قۇجاتتاردىڭ تولىقتىعىنا كوز جەتكىزۋ كەرەك. قۇجاتتار توپتاماسى تولىق ۇسىنىلماعان جاعدايدا وڭىرلىك كوميسسيا م ۇلىكتىك زالالدى وتەۋدەن باس تارتۋ تۋرالى شەشىم شىعارادى.
كاسىپكەرلەرگە ىڭعايلى بولۋ ءۇشىن «اتامەكەن» ۇكپ زالالدى وتەۋ بويىنشا ءىس-قيمىل الگوريتمىن دايىندادى. وندا زالالدى وتەۋگە ءوتىنىش بەرۋ قادامدارى سيپاتتالعان», دەلىنگەن «اتامەكەن» ۇكپ حابارلاماسىندا.
