قازاقستان • 20 قاڭتار، 2022

ءبىرتانوۆتىڭ ءىسى بويىنشا الدىن الا تىڭداۋ كۇنى بەلگىلەندى

159 رەت كورسەتىلدى

سوتتا بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى ءىس بويىنشا الدىن الا تىڭداۋ كۇنى بەلگىلەندى، دەپ حابارلايدى Egemen.kz.

«الدىن الا تىڭداۋ 26 قاڭتارعا بەلگىلەنگەن»، دەپ حابارلادى قالالىق سوتتىڭ ءباسپاسوز قىزمەتى.

تىڭداۋ اشىق رەجيمدە وتكىزىلەدى. ەكس-مينيسترگە قاتىستى قىلمىستىق ءىس نۇر-سۇلتان قالاسىنىڭ №2 سارىارقا اۋداندىق سوتىنىڭ وندىرىسىنە كەلىپ ءتۇستى.

ەسكە سالا كەتسەك، ءبىرتانوۆتىڭ ۇستالعانى 2020 جىلدىڭ قاراشا ايىندا بەلگىلى بولدى. 7 شىلدەدە سوتقا دەيىنگى تەرگەپ-تەكسەرۋدىڭ اياقتالعانى جانە قىلمىستىق ءىس ماتەريالدارىمەن تانىسۋدىڭ باستالعانى تۋرالى جاريالاندى.

ە. ءبىرتانوۆ پەن ونىڭ ورىنباسارى و. ابىشەۆ دەنساۋلىق ساقتاۋ مينيسترلىگىنىڭ اقپاراتتاندىرۋ پلاتفورماسىن قابىلداۋ جانە پايدالانۋعا بەرۋ ارقىلى لاۋازىمدىق وكىلەتتىكتەرىن اسىرا پايدالاندى دەپ كۇدىكتەلۋدە.

پلاتفورما دەنساۋلىق ساقتاۋ جۇيەسىندەگى ماسەلەلەردى جەدەل شەشۋ ءۇشىن پاتسيەنتتەر، ءدارى-دارمەكتەر جانە مەديتسينالىق بۇيىمدار تۋرالى بارلىق اقپاراتتى بىرىكتىرۋى كەرەك ەدى. بۇگىنگى تاڭدا پلاتفورما جۇمىس ىستەمەيدى. ورىندالماعان جۇمىستاردىڭ قۇنى 4،1 ملن اقش دوللارىن نەمەسە 1،5 ملرد تەڭگەنى قۇرايدى.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار