قۇستىڭ بۇل ءتۇرىن كاسىپكەر راحمانبەردى وسەرباەۆ العاشقىلاردىڭ ءبىرى بولىپ شارۋا قوجالىعىندا ءوسىرۋدى قولعا العان. سونىمەن قاتار قىرعاۋىلدىڭ 7 ءتۇرى, تاۋىقتىڭ 5 ءتۇرى, كەپتەر, تۇيەقۇس, ازيالىق كەكىلىك, قاز, ۇيرەكتىڭ 2 ءتۇرىن, كۇركە, بودەنە باعۋمەن دە اينالىسۋدا. سىرتتان اكەلىنگەن قۇستار قولعا ۇيرەتىلگەن. كاسىپكەردىڭ ايتۋىنا قاراعاندا, كۇتىمى ەرەكشە تاۋىس جىلىنا 6 رەت قانا جۇمىرتقالايتىن كورىنەدى. ودان وزگە, بۇل قۇس كوكتەم ايلارىندا عانا ەرەكشە بيلەيدى. العاشىندا 2 تاۋىستى ساتىپ الىپ, جەرسىندىرگەن كاسىپكەر ونى كوبەيتىپ 40-قا جەتكىزگەن. سونداي-اق قۇسقا قىزىعۋشى ازاماتتاردىڭ سۇرانىسىنا سايكەس 30 شاقتى تاۋىستى ساتىپ, پايداسىن دا كورىپتى. الداعى ۋاقىتتا جەكە كاسىپكەر قۇس شارۋاشىلىعىن كەڭەيتۋمەن قاتار, بالىق شارۋاشىلىعىن دامىتۋدى دا جوسپارلاپ وتىر.
