قالا باسشىلىعىنىڭ مالىمەتىنشە, قۇقىق قورعاۋ ورگاندارىنان تەرروريستىك اكتى قاۋپى جانە ونىڭ جاسالۋىنا قارسى ءىس-قيمىل ۇيىمداستىرۋ تۋرالى اقپارات تۇسكەن.
وسىعان بايلانىستى بايقوڭىر قالاسىنىڭ تەرروريزمگە قارسى كوميسسياسىنىڭ توراعاسى, اكىمدىك باسشىسى كونستانتين بۋسىگين بايقوڭىر اۋماعىندا تەرروريستىك قاۋىپتىلىكتىڭ جوعارى «كوك» دەڭگەيىن ەنگىزۋ تۋرالى شەشىم قابىلدادى. ول 2022 جىلعى 19 قاڭتار ساعات 12.00-دەن 3 اقپان ساعات 12.00-گە دەيىن بەلگىلەنگەن. اتالعان شەشىم 15 تاۋلىك ارالىعىندا ءوز كۇشىندە بولادى.
قۇقىق قورعاۋ ورگاندارى بايقوڭىر اۋماعىندا ازاماتتار مەن مەملەكەت قاۋىپسىزدىگىن قامتاماسىز ەتۋگە باعىتتالعان قوسىمشا شارالار قابىلداۋدا.
قۇقىق قورعاۋ ورگاندارىنا كومەك كورسەتە وتىرىپ, ولاردىڭ تالابىنا تۇسىنىكپەن جانە شىداممەن قاراۋ سۇرالادى.
