قازاقستان • 19 قاڭتار، 2022

قازاقستان ۇقشۇ ەلدەرىنە كومەك كورسەتكەنى ءۇشىن العىس بىلدىرەدى

45 رەت كورسەتىلدى

قازاقستان ۇقشۇ-داعى وداقتاستارىنا ۋاقىتىلى كومەك كورسەتكەنى ءۇشىن العىس بىلدىرەدى. بۇل تۋرالى قر سىرتقى ىستەر مينيسترلىگىنىڭ ەاۋرازيالىق ينتەگراتسيا دەپارتامەنتىنىڭ ديرەكتورى الەكساندر سينياگوۆسكي ءمالىم ەتتى، دەپ حابارلايدى Egemen.kz.

«وداقتاستارىمىزعا ۋاقىتىلى كومەك كورسەتكەنى ءۇشىن العىس بىلدىرەمىز. بىتىمگەرشىلىك ميسسيا قازاقستاندىق كۇشتەر مەن قۇرالداردىڭ ەداۋىر بولىگىن تەرروريزمگە قارسى وپەراتسياعا الاڭسىز باعىتتاۋعا مۇمكىندىك بەردى.

10 قاڭتاردا ۇقشۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسى ۇيىمداستىرىلدى. ول شارادان اشىق كورسەتىلىم جۇرگىزىلىپ، باق ەركىن حابار تاراتتى. ۇقشۇ-نىڭ بارلىق مەملەكەت باسشىلارى بىتىمگەرشىلىك ميسسيانىڭ ماڭىزدىلىعىن اتاپ ءوتتى. باس حاتشىنىڭ، حاتشىلىقتىڭ بارلىق قىزمەتكەرلەرىنىڭ، ۇيىمنىڭ بىرىككەن شتابىنىڭ ەلدەگى بىتىمگەرشىلىك ميسسيانى تابىستى ۇيىمداستىرىپ، وتكىزۋگە قوسقان ۇلەسىن اتاپ وتەمىز»، دەدى ەۋرازيالىق ينتەگراتسيا دەپارتامەنتىنىڭ ديرەكتورى.

ايتا كەتەيىك، ۇقشۇ بىتىمگەرشىلىك اسكەرى قازاقستان اۋماعىنان تولىق كەتتى. بۇل تۋرالى قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى ولجاس قۇسايىنوۆ ءمالىم ەتتى.

«بۇگىن ۇجىمدىق قاۋىپسىزدىك تۋرالى شارت ۇيىمى ۇجىمدىق بىتىمگەر كۇشتەرىن قازاقستان اۋماعىنان شىعارۋ اياقتالدى. سوڭعى جەكە قۇرام مەن تەحنيكا اۋە كەمەسىمەن الماتىدان ۇشىپ شىقتى. قازىرگى قازاقستان رەسپۋبليكاسىنىڭ اۋماعىندا شەت مەملەكەتتەردىڭ اسكەري قىزمەتشىلەرى جوق. ەلىمىزدەن ۇقشۇ-نىڭ بىرىككەن بىتىمگەرشىلىك كونتينگەنتىن كەزەڭ-كەزەڭىمەن شىعارۋ بيىل 13 قاڭتاردان باستاپ قارۋلى كۇشتەردىڭ جوعارى باس قولباسشىسى – قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆ بەلگىلەگەن مەرزىمدە جۇزەگە اسىرىلدى»، دەدى مينيسترلىك وكىلى ورتالىق كوممۋنيكاتسيالار قىزمەتىندە وتكەن بريفينگىدە.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار