«الماتىدا توتەنشە جاعداي رەجيمى مەن كومەندانتتىق ساعات 19 قاڭتاردا ساعات 00:00-دەن اياقتالعاننان كەيىن الماتى حالىقارالىق اۋەجايى شتاتتىق رەجيمدە جۇمىس ىستەيدى», دەپ حابارلادى اۋە ايلاعىنىڭ ءباسپاسوز قىزمەتى.
الماتى حالىقارالىق اۋەجايى 13 قاڭتاردان باستاپ ءوز قىزمەتىن قايتا باستادى. قالادا كومەندانتتىق ساعاتتىڭ ەنگىزىلۋىنە بايلانىستى اۋەجاي جۇمىسى 08:00-دەن 21:00-گە دەيىن جۇزەگە اسىرىلدى. ىشكى جانە حالىقارالىق رەيستەر ورىندالدى. قاۋىپسىزدىكتى قامتاماسىز ەتۋ ماقساتىندا تەرمينالعا تەك جولاۋشىلارعا عانا رۇقسات ەتىلگەن.
ەسكە سالا كەتسەك, 5 قاڭتاردا الماتى اۋەجايىنا شابۋىل جاسالدى. اۋە ايلاعى مەن بەس ۇشاقتىڭ باسىپ الىنعانى تۋرالى پرەزيدەنت قاسىم-جومارت توقاەۆ مالىمدەدى. كەيىن اۋەجاي بوساتىلعانى بەلگىلى بولدى.
