كوروناۆيرۋس • 19 قاڭتار، 2022

ەكى اۋداندا ەكپە باياۋ جۇرۋدە

61 رەت كورسەتىلدى

قىزىلوردادا وبلىس اكىمى گۇلشارا ابدىقالىقوۆانىڭ توراعالىعىمەن ونلاين فورماتتا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى وبلىستىق جەدەل شتاب وتىرىسى ءوتتى.

قازىر ءوڭىر «قىزىل ايماقتا» تۇر. سوڭعى اپتادا ىندەت جۇق­تىر­عانداردىڭ تاۋلىگىنە 300-دەن اسىپ بارا جاتقانى ايماقتا ەپيدەميالىق جاعدايدىڭ كۇر­دەلەنە تۇسكەنىن كورسەتەدى.

– «دەلتا» مەن «وميكرون» شتامى تارالىپ، جاعداي اۋىرلاي تۇسۋدە. ىندەتتى جەڭۋدىڭ بىردەن-ءبىر جولى – جاپپاي ۆاكتسينالاۋ جۇمىستارىن جالعاستىرۋ ەكەنىن ۇمىتپاعان ءجون. وسى كۇنى وبلىستا ەكپەنىڭ I كومپونەنتىن 418 154، ەكىنشىسىن 392 943 تۇر­عىن الدى. ال 30 213 ادام رەۆاكتسينالاۋدان وتكەن. سوعان قارا­ماستان احۋال اۋىرلاي ءتۇ­سىپ وتىر. اسىرەسە، ەكپە الۋعا قابىلەتتى جاسوسپىرىمدەردى ۆاكتسينالاۋ قارقىنىن كۇشەيتۋ كەرەك. شيەلى، جاڭاقورعان اۋدانداردا ەكپە باياۋ جۇرۋدە، – دەدى گ.ابدىقالىقوۆا.

جيىندا وبلىستىق سانيتار­لىق-ەپيدەميولوگيالىق باقى­لاۋ دە­پار­تامەنتى باسشىسىنىڭ مىن­دەتىن اتقارۋشى ءاليا ابدى­قاي­ىموۆا وتكەن جىلدىڭ ەسەپتى كەزەڭىمەن سالىستىرعاندا ۆيرۋس جۇقتىرۋ كورسەتكىشى 20 ەسەگە ءوسىپ وتىرعانىن ايتىپ ءوتتى.

وبلىستىق كاسىپكەرلىك جانە تۋريزم باسقارماسىنىڭ باسشىسى فەردوۋسي قوجابەرگەنوۆ ايماقتاعى كاسىپكەرلەرلىك نى­سان­دارىندا Ashyq قوسىم­شاسىن پايدالانۋ اياسىن ۇل­عاي­تۋ باعىتىن باياندادى. بۇ­گىن­دە وبلىستا 3 851 نىسان وسى قوسىمشامەن جۇمىس جاساپ وتىر. تۇتىنۋشىلار اراسىندا تۇسىندىرمە جۇمىستارى جالعاسۋدا. وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆتىڭ ايتۋىنشا، جىل باسىنان بەرى وبلىستا 1 800-دەن استام تۇرعىن ىندەت جۇقتىرعان. ءىرى وشاق – قىزىلوردا قالاسىندا. اۋداندار اراسىنان شيەلى مەن جاڭاقورعاندا ۆيرۋسقا شالدىققاندار سانى كوپتەپ تىركەلىپ وتىر.

وتكەن جىلدىڭ سوڭىندا سايا­بىرسىپ قالعان ۆيرۋستىڭ قايتا كوبەيۋىنە بايلانىستى ءوڭىر باسشىسى ينفەكتسيالىق ستاتسيونارلارداعى توسەكتىك ورىن سانىن كوبەيتۋ قاجەتتىگىن ەس­كە سالدى. بۇگىندە 535 توسەك-ورىن ازىرلەنگەن. قاجەتتىلىككە قاراي ونىڭ سانىن 3 200-گە دەيىن ارتتىرۋعا مۇمكىندىك بار. سونىمەن قاتار 142 ءموبيلدى توپ ءۇي جاعدايىندا قىزمەت كورسە­تۋدە. ال ەمحانالاردا 21 احۋال­دىق ورتالىق جۇمىس ىستەپ تۇر.

جيىندا وبلىستىق ءبىلىم باسقارماسىنىڭ باسشىسى اقزي­را قاسىموۆا وقۋشىلار اراسىندا ىندەتتىڭ تارالۋ جيىلىگىنە بايلانىستى ۇسىنىستار ايتتى. وبلىس ورتالىعىنداعى بالا سانى 600-دەن اساتىن مەكتەپتەر ونلاين وقۋعا كوشسە، اۋىلدىق مەكتەپ شاكىرتتەرى وفلاين ءبىلىم الادى. سونداي-اق قاشىقتان وقيتىن مەكتەپتەردەگى 1-2 سىنىپ وقۋشىلارىن ءداستۇرلى فورمات بويىنشا وقىتقان ءجون.

شتاب وتىرىسىن قورىتىندى­لاعان ايماق باسشىسى جاۋاپتى سالالىق باسقارما مەن دەپارتامەنت باسشىلارىنا، قالا جانە اۋدان اكىمدەرىنە ناقتى تاپسىرما جۇكتەدى. مونيتورينگتىك توپتار جۇمىسىن جانداندىرىپ، تۇرعىندار اراسىندا رەۆاك­تسينالاۋدى كۇشەيتۋ كەرەك. تاپ­سىرماعا سايكەس وبلىستىق دەن­ساۋلىق ساقتاۋ، ءبىلىم باسقار­ما­لارى مەن سانيتارلىق-ەپي­دە­­ميولوگيا­لىق باقىلاۋ دەپار­تا­مەن­­تى قالا، اۋداندار بويىنشا كۆي-گە قارسى ۆاكتسينالاۋ جۇرگىزۋ جونىندەگى جۇمىستاردى ۇيلەستىرەتىن كۋراتورلار تا­عايىن­داپ، جاسوسپىرىمدەرگە ەك­پە سالۋدىڭ ءىس-شارا جوسپارىن ازىرلەۋگە ءتيىس.

 

قىزىلوردا وبلىسى

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار