ايماقتار • 18 قاڭتار، 2022

وسكەمەندە جوعالىپ كەتكەن 9 جاسار قىز تابىلدى

61 رەت كورسەتىلدى

وسكەمەن قالاسىنىڭ پوليتسيا قىزمەتكەرلەرى جوعالىپ كەتكەن 9 جاسار قىزدى تاپتى، دەپ حابارلايدى Egemen.kz.

قالالىق پب ءباسپاسوز قىزمەتىنىڭ مالىمەتىنشە، ەرتىس پوليتسيا بولىمىنە جۇگىنگەن 43 جاستاعى ازامات كامەلەتكە تولماعان قىزىنىڭ جوعالىپ كەتكەنىن ايتتى.

ءوز سوزىندە ول بالاسىنىڭ ءتۇس كەزىندە ءۇي اۋلاسىنان بەلگىسىز جاققا بەتتەپ، وسى ۋاقىتقا دەيىن ورالماعانىن جەتكىزگەن.

وقيعا ورنىنا جەدەل-تەرگەۋ توبى جىبەرىلگەن.

«كامەلەتتىك جاسقا تولماعاندار ءىسى جونىندەگى ۋچاسكەلىك پوليتسيا قىزمەتكەرلەرى جۇرگىزگەن جەدەل-ىزدەستىرۋ شارالارى بارىسىندا 9 جاسار قىزدىڭ جۇرگەن جەرى بىرنەشە ساعات ىشىندە انىقتالعان. بەلگىلى بولعانداي، وقۋشى قۇربىسىمەن بىرگە اۋلادان شىعىپ، قالاداعى بازارلاردىڭ بىرىندە جۇرگەن»، دەدى باسقارما باستىعى اندرەي مۋلا.

ءتارتىپ ساقشىلارى بالانى امان-ەسەن اتا-اناسىنا جەتكىزدى. قىزدىڭ اناسى جەدەل ارەكەت ەتكەن پوليتسيا قىزمەتكەرلەرىنە ءوز العىسىن ءبىلدىردى.

سوڭعى جاڭالىقتار

ۇقساس جاڭالىقتار