قازاقستان • 18 قاڭتار، 2022

ۇكىمەت باسشىسى: ەپيدجاعدايدى قاتاڭ باقىلاۋدا ۇستاۋ قاجەت

100 رەت كورسەتىلدى

قر پرەمەر-ءمينيسترى ءاليحان سمايىلوۆ ۇكىمەت وتىرىسىندا مونيتورينگتىك توپتاردىڭ جۇمىسىن جانداندىرۋدى تاپسىردى، دەپ حابارلايدى Egemen.kz.

«ەلىمىزدىڭ بارلىق وڭىرلەرىندە كوروناۆيرۋستىق ينفەكتسيامەن سىرقاتتانۋشىلىقتىڭ كۇرت ءوسۋى بايقالادى. جىل باسىنان بەرى اۋرۋ 21 ەسەگە ءوستى. تەك تۇركىستان وبلىسى «سارى» ايماقتا. ال «قىزىل» ايماقتا قالعان ايماقتار بار. ۆيرۋستىڭ ەڭ كوپ تارالۋى ەلوردادا، الماتىدا، قاراعاندى جانە اتىراۋ وبلىستارىندا دەرت تاۋلىگىنە تىركەلەدى. ءبىز كۇرت ءوسۋدى بولجادىق. ەڭ باستىسى - بارلىق وڭىرلەردە ەپيدجاعدايدى قاتاڭ باقىلاۋدا ۇستاۋ قاجەت»، دەدى پرەمەر-مينيستر ۇكىمەت وتىرىسىندا.

ءاليحان سمايىلوۆ كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وڭىرلەر ءۇشىن ناقتى ورىندالۋى ءتيىس قوسىمشا شەكتەۋ شارالارىن قابىلداعانىن اتاپ ءوتتى.

«الدىن الۋدىڭ نەگىزگى شارالارى - بەتپەردە كيۋ، الەۋمەتتىك قاشىقتىقتى ساقتاۋ. ادامدار سانيتارلىق تالاپتاردى قانشالىقتى از ساقتاسا، اۋرۋ سوعۇرلىم جوعارى بولاتىنىن ءتۇسىنۋى كەرەك. سوندىقتان مونيتورينگتىك توپتاردىڭ جۇمىسىن جانداندىرۋ قاجەت»، دەدى ول.

سوڭعى جاڭالىقتار

ۇقساس جاڭالىقتار