قوعام • 17 قاڭتار، 2022

«قازاقستان حالقىنا» قورىنا قانشا قاراجات جينالدى

265 رەت كورسەتىلدى

«قازاقستان حالقىنا» قوعامدىق قورىنا 12 ميلليارد تەڭگەدەن اسا قاراجات جينالدى، دەپ حابارلايدى Egemen.kz.

قور مالىمەتىنشە، 17 قاڭتاردا تاڭەرتەڭ زاڭدى تۇلعالاردان 12،36 ميلليارد تەڭگە تۇسكەن.

«Kaspi Bank جانە ونىڭ قۇرىلتايشىلارى ۆياچەسلاۆ كيم مەن ميحايل لومتادزە 10 ميلليارد تەڭگە كولەمىندە قوماقتى ۇلەس قوستى. سونداي-اق، «حالىق» قايىرىمدىلىق قورىنان ەكى ميلليارد تەڭگە ءتۇستى. ستەپنوگور تاۋ-كەن-حيميا كومبيناتى 350 ملن تەڭگە اۋداردى»، دەپ مالىمدەدى قور وكىلى.

سونىمەن قاتار، قوعامدىق قورعا ەرىكتى رەتىندە 6519 قازاقستاندىق اقشا اۋدارعان. قازىر ونىڭ جالپى سوماسى 10،1 ميلليون تەڭگەدەن اسادى.

«قازاقستان حالقىنا» قوعامدىق قورى مەملەكەت باسشىسى قاسىم-جومارت توقاەۆتىڭ دەنساۋلىق ساقتاۋ، ءبىلىم بەرۋ، الەۋمەتتىك، مادەنيەت جانە سپورت سالالارىنداعى ناقتى ماسەلەلەردى شەشۋ جونىندەگى باستاماسىن قولداعان قازاقستاندىقتارعا، ءىرى كاسىپورىندارعا، ەڭبەك ۇجىمدارىنا العىس بىلدىرەدى.

پرەمەر-مينيستر ءاليحان سمايىلوۆقا جانە ونىڭ كەڭسەسىنىڭ، پرەزيدەنت اكىمشىلىگىنىڭ جانە باسقا دا مەملەكەتتىك جانە جەكە ۇيىمداردىڭ قىزمەتكەرلەرىنە ءبىر كۇندىك جالاقىسىن اۋدارۋ ارقىلى قولداۋ كورسەتكەنى ءۇشىن العىس بىلدىرەمىز»، دەدى قور وكىلى.

قور باسشىلىعى بارلىق قارجىنىڭ اشىقتىعى مەن ەسەپپەن جۇمسالۋى قامتاماسىز ەتىلەتىنىن مالىمدەدى. اقشا «قازاقستان حالقىنىڭ يگىلىگى ءۇشىن، دەنساۋلىق ساقتاۋ، الەۋمەتتىك سالا، ءبىلىم، مادەنيەت جانە سپورت ماسەلەلەرىن شەشۋگە» باعىتتالاتىنى ايتىلدى.

«قور سيرەك كەزدەسەتىن جانە باسقا دا اۋرۋلارى بار بالالارعا، حالىقتىڭ الەۋمەتتىك وسال توپتارىنا، قازا تاپقان اسكەري قىزمەتشىلەردىڭ، قۇقىق قورعاۋ، ارنايى ورگاندار قىزمەتكەرلەرىنىڭ وتباسىلارىنا، باسقا دا قايىرىمدىلىق ماقساتتارعا قولداۋ كورسەتەدى»، دەپ تولىقتىردى قور وكىلى.

 

 

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار