قازاقستان • 17 قاڭتار، 2022

«اتامەكەن» پالاتاسىنىڭ جاڭا باسشىسى قاشان سايلانادى؟

154 رەت كورسەتىلدى

«اتامەكەن» قر ۇكپ باسقارماسى تيمۋر ق ۇلىباەۆ قىزمەتىنەن كەتۋىنە بايلانىستى ۇندەۋ جاسادى، دەپ حابارلايدى Egemen.kz  ۇلتتىق پالاتانىڭ ءباسپاسوز قىزمەتىنە سىلتەمە جاساپ.

«بۇگىن تيمۋر اسقار ۇلى ق ۇلىباەۆتىڭ «اتامەكەن» قر ۇكپ تورالقا توراعاسى قىزمەتىندەگى وكىلەتتىگى ءوز ەركىمەن توقتاتىلدى. تيمۋر اسقار ۇلىنىڭ جەكە شەشىمىنە قۇرمەتپەن قاراپ، بىرلەسكەن جۇمىس جىلدارى ءۇشىن العىس بىلدىرەمىز. تيمۋر ق ۇلىباەۆ ۇلتتىق كاسىپكەرلەر پالاتاسىن قۇرۋدىڭ باستاۋىندا تۇردى جانە پالاتانىڭ بيزنەس پەن بيلىكتىڭ سىندارلى ۇنقاتىسۋ الاڭى رەتىندە قالىپتاسۋىنا ۇلكەن ۇلەس قوستى»، دەپ جازىلعان كاسىپكەرلەر پالاتاسىنىڭ ۇندەۋىندە.

«اتامەكەن» ۇكپ باسقارماسى ۇلتتىق پالاتانىڭ بارلىق باسقارۋ ورگاندارى جۇمىسىن جالعاستىرىپ جاتقانىن اتاپ ءوتتى.

قازىر مەملەكەت باسشىسىنىڭ تاپسىرماسى بويىنشا ۇكىمەت ۇكپ-مەن بىرلەسىپ، تارتىپسىزدىكتەر بارىسىندا بيزنەسكە كەلتىرىلگەن زالالدى وتەۋ بويىنشا جۇمىستى باستادى.

«تورالقا توراعاسىن سەزد سايلايتىنىن ەسكەرە وتىرىپ، تورالقانىڭ كەزەكتى وتىرىسىندا ونىڭ مۇشەلەرى توراعانىڭ مىندەتىن ۋاقىتشا اتقارۋشىنىڭ كانديداتۋراسىن ايقىندايدى. ءبىز ءوز كەزەگىمىزدە «اتامەكەن» ۇكپ سايلاۋ جۇيەسىن نىعايتۋ جۇمىستارىن جالعاستىرامىز. 2020 جىلى ايماقتىق كەڭەستەرگە سايلاۋ وتكىزىلدى. جاقىن ارادا ۇكپ باسقارماسى بيزنەس-قوعامداستىقتىڭ تالقىلاۋىنا بۇرىننان كەلە جاتقان ماسەلەنى - تورالقانىڭ سالالىق كوميتەتتەرىنىڭ مۇشەلەرىن ءتيىستى سالانىڭ كاسىپكەرلەرى ەتىپ سايلاۋ ءتارتىبىن شىعارادى. ناتيجەسىندە، 2022 جىلدىڭ كۇزىنە قاراي كەزەكتى سەزگە سەزد پەن تورالقا دەلەگاتتارىنىڭ قۇرامى جاڭارتىلادى. سەزد جوعارى باسقارۋ ورگانى رەتىندە ءوز وكىلەتتىكتەرى شەڭبەرىندە تورالقانىڭ توراعاسى مەن قۇرامى، سونداي-اق باسقارما بويىنشا شەشىم قابىلدايدى»، دەلىنگەن ۇلتتىق پالاتا ۇندەۋىندە.

ەسكە سالا كەتسەك، تيمۋر ق ۇلىباەۆ «اتامەكەن» ۇلتتىق كاسىپكەرلەر پالاتاسى تورالقاسىنىڭ سايلانعان توراعاسى وكىلەتتىگىن توقتاتتى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار