قوعام • 17 قاڭتار، 2022

ق ۇلىباەۆ قىزمەتىنەن كەتتى

815 رەت كورسەتىلدى

تيمۋر ق ۇلىباەۆ «اتامەكەن» ۇكپ پرەزيديۋم مۇشەلەرىنە ۇندەۋ جاسادى، دەپ حابارلايدى Egemen.kz.

  

بۇل تۋرالى پالاتا سايتىندا جاريالانعان پرەزيديۋم توراعاسىنىڭ ارنايى ۇندەۋىندە بەلگىلى بولدى.

«قۇرمەتتى ارىپتەستەر! بۇگىننەن باستاپ مەن «اتامەكەن» ۇلتتىق كاسىپكەرلەر پالاتاسى تورالقاسىنىڭ سايلانعان توراعاسى وكىلەتتىگىن دوعارۋدى ۇيعاردىم. ماعان سەنىم بىلدىرگەنى ءۇشىن سەزد دەلەگاتتارى مەن تورالقا مۇشەلەرىنە العىس ايتقىم كەلەدى. ۇلتتىق كاسىپكەرلەر پالاتاسىنىڭ جوعارى باقىلاۋ ورگانىن باسقارۋ مەن ءۇشىن سەگىز جىل بويى ۇلكەن قۇرمەت پەن جاۋاپكەرشىلىك بولدى»،  دەلىنگەن ۇندەۋدە.

سونىمەن قاتار، ول قاتارداعى ساراپشىلاردان باستاپ اۋداندىق فيليالداردىڭ باسشىلارىنا دەيىنگى «اتامەكەن» ۇجىمىنىڭ بىرلەسكەن مازمۇندى جۇمىسى ءۇشىن ايرىقشا ريزاشىلىعىن ءبىلدىردى.

ء«بىزدىڭ جۇمىسىمىزدىڭ باستى قورىتىندىسى - بۇل بيزنەس پەن بيلىكتىڭ جولعا قويىلعان سىندارلى ديالوگى، قولايلى بيزنەس-احۋالدى دايەكتىلىكپەن قالىپتاستىرۋ.ء بىزدىڭ باسىمدىعىمىز ارقاشان بيزنەس قۇقىعىن قورعاۋ بولدى. جوعارعى سوتپەن، باس پروكۋراتۋرامەن جانە سىبايلاس جەمقورلىققا قارسى قىزمەتپەن جۇمىس جولعا قويىلعان. بارلىق وڭىردە كاسىپكەرلەردىڭ قۇقىقتارىن قورعاۋ جونىندەگى كەڭەستەر جۇمىس ىستەيدى. 8 جىل ىشىندە ۇكپ-عا 41 مىڭ ءوتىنىش كەلىپ ءتۇستى، ولاردىڭ 40%-ى وڭ شەشىمىن تاپتى»، دەيدى ق ۇلىباەۆ. 

سونداي-اق، ول «اتامەكەن» ۇكپ باستاماسىمەن بيزنەس-احۋالدى جاقسارتۋ بويىنشا جۇيەلى جۇمىس جۇرگىزىلگەنىن اتاپ ءوتتى.

«زاڭنامالىق تۇزەتۋلەردىڭ 8 پاكەتى قابىلداندى. ەكونوميكالىق قىلمىستاردى قىلمىسسىزداندىرۋ جۇرگىزىلدى. ەكونوميكا سالاسىنداعى قىلمىستىق ىستەردى تىركەۋ 5 ەسەگە قىسقاردى. قىلمىستىق كودەكستەن جالعان كاسىپكەرلىك بابى الىنىپ تاستالدى. رۇقساتتار، حابارلامالار مەن ليتسەنزيالار سانى 4 ەسە قىسقاردى. باقىلاۋ-قاداعالاۋ جۇيەسىنە رەفورما جۇرگىزىلدى - 17 مىڭ نەمەسە 58% تالاپ الىپ تاستالدى. 2021 جىلدان باستاپ جاڭا رەتتەۋشى ساياساتتى – «تازا پاراقتان» رەتتەۋدى ەنگىزۋ باستالدى. 2024 جىلعا دەيىن بارلىق رەتتەۋ تولىعىمەن جاڭا قاعيداتتارمەن قايتا جازىلادى جانە تسيفرلاندىرىلادى»، دەلىنگەن ۇندەۋدە.

ء«بىز «باستاۋ» جوباسىن شاعىن نەسيەلەۋمەن بايلانىستىرىپ ىسكە قوستىق. مىڭداعان جۇمىسسىزدار مەن ءوزىن-ءوزى جۇمىسپەن قامتىعاندار، اسىرەسە اۋىلداردا، ءوز ءىسىن باستاۋعا مۇمكىندىك الدى. قازىردىڭ وزىندە 180 مىڭنان استام ادام وقىتىلدى. 60 مىڭنان استام جوبا ىسكە قوسىلىپ، 70 مىڭ جۇمىس ورنى اشىلدى. مەكتەپتەردە، كوللەدجدەر مەن جوعارى وقۋ ورىندارىندا «كاسىپكەرلىك جانە بيزنەس نەگىزدەرى» ءپانى ەنگىزىلدى. ونى 250 مىڭنان استام ءجاسوسپىرىم زەرتتەپ جاتىر. بۇل ءبىزدىڭ بىرلەسكەن جۇمىسىمىزدىڭ از عانا بولىگى. بىراق الدا جاڭا ۇلكەن مىندەتتەر مەن سىن-قاتەرلەر تۇر»، دەلىنگەن ۇندەۋدە.

ونىڭ ايتۋىنشا، 2022 جىلعى 11 قاڭتاردا مەملەكەت باسشىسى ءوز سوزىندە «اتامەكەن» مەن بيزنەس-قوعامداستىق ءۇشىن باسىم باعىتتاردى بەلگىلەدى. حالىقتىڭ تابىسىن ارتتىرۋ باعدارلاماسىن ازىرلەۋ، يمپورتقا تاۋەلدىلىكتى تومەندەتۋ، مەملەكەتتىك قولداۋ شارالارىنىڭ تيىمدىلىگىن ارتتىرۋ، مەملەكەتتىڭ ەكونوميكاداعى ۇلەسىن تومەندەتۋ جانە ت. ب. بويىنشا كەشەندى شارالاردى ىسكە اسىرۋ قاجەت.

«مەملەكەت باسشىسىنىڭ وسى تاپسىرمالارىنىڭ بارلىعى ۇكپ-نىڭ ءسوزسىز باسىمدىعىندا بولادى.ء بىز ءوز جۇمىسىمىزدا سايلانعان قۇرىلىمداردىڭ كەرى بايلانىسى مەن مۇشەلەرىمىزدىڭ الدىندا ەسەپ بەرۋىنە ارقاشان نازار اۋداردىق. 2020 جىلى ءتيىستى وڭىرلەردەگى كاسىپكەرلەردىڭ بارلىق وڭىرلىك كەڭەستەرىنە سايلاۋ وتكىزىلدى. اككرەديتتەلگەن قاۋىمداستىقتار تورالقانىڭ سالالىق كوميتەتتەرىن قۇرادى جانە توراعالاردى سايلايدى. اشىقتىق، ەسەپتىلىك جانە ءتيىمدى كەرى بايلانىس تسيفرلىق نەگىزدە «اتامەكەن» ۇكپ بۇكىل جۇيەسى جۇمىسىنىڭ نەگىزگى قاعيداتتارى بولاتىنىنا سەنىمدىمىن. سىزدەرگە تاعى دا بىرلەسكەن جۇمىس ءۇشىن ريزاشىلىعىمدى بىلدىرەمىن جانە وتاندىق كاسىپكەرلىكتى دامىتۋ جونىندەگى مىندەتتەردى ورىنداۋدا الداعى ۋاقىتتا دا تابىس تىلەيمىن. قۇرمەتپەن، تيمۋر ق ۇلىباەۆ»، دەلىنگەن ۇندەۋدە.

 

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار