پىكىر • 17 قاڭتار، 2022

باسەكەگە قابىلەتتىلىگىمىز ارتا تۇسەدى

89 رەت كورسەتىلدى

مەملەكەت باسشىسى قاسىم-جومارت توقاەۆ ءماجىلىستىڭ وتىرىسىندا ءار سالاداعى وزەكتى ماسەلەلەردى قوزعاپ، ەلىمىز ءۇشىن ماڭىزدى بىرقاتار تاپسىرما بەردى. قوعام دامۋىنىڭ وزەگى بولىپ سانالاتىن ءبىلىم سالاسى دا قالىس قالعان جوق. پرەزيدەنت ساپالى بىلىمگە قولجەتىمدىلىكتى ارتتىرۋ ءسوزسىز باسىم باعىت، جوعارى ءبىلىمنىڭ قولجەتىمدىلىگى كوكەيكەستى ماسەلە ەكەنىن اتاپ ءوتتى.

ارينە، پرەزيدەنت باستامالارىن جۇزەگە اسىرۋ اياسىندا جوعارى ءبىلىم بەرۋ مەكەمەسى رەتىندە قوجا احمەت ياساۋي اتىنداعى حالىقارالىق قا­زاق-تۇرىك ۋنيۆەرسيتەتىنىڭ دە اتقا­رار مىندەتى مول. ەڭ الدىمەن، ساۋات­تى مەكتەپ مۇعالىمدەرىن دايارلاۋ ماسەلەسى. ءبىز بۇل باعىتتاعى جۇمىس­تاردى ءبىرشاما ۋاقىت بۇرىن باس­تاپ كەتكەنبىز. قازىر ۋنيۆەرسيتەتتە وقىپ جاتقان بىلىمگەرلەردىڭ با­سىم كوپشىلىگى پەداگوگيكالىق ما­مان­دىقتاردا وقيدى. سوندىقتان ءبى­لىم بەرۋ باعدارلامالارىن قايتا قا­راپ، ونىڭ ساپاسىن كوتەرۋ، زاماناۋي تالاپتارعا ساي ەتۋ – نەگىزگى ماق­سات. حالىقتىڭ الەۋمەتتىك ءال-اۋقا­تىن كوتەرۋ ءۇشىن دە جۇمىس ىستەپ جا­تىر­مىز. اسىرەسە حالىققا مەدي­تسي­نا­لىق قولداۋ كورسەتىلۋدە. ۋني­ۆەرسيتەت قاراماعىنداعى كلينيكا-دياگ­نوستيكا ورتالىعى بۇگىندە تۇر­كىستان قالاسى ازاماتتارىنىڭ يگىلىگى ءۇشىن قىزمەت ەتەدى. وقۋ ورنى تاراپىنان حالىققا پايدالى تىڭ جوبالار جۇزەگە اسىرىلۋدا. سونىڭ ءبىرى – «انا جۇرتتان اتا جۇرتقا دەن­ساۋ­لىق كوپىرى» جوباسى. تۇرىك ىنتى­ماقتاستىق جانە ۇيلەستىرۋ اگەنت­تىگىمەن بىرلەسكەن جوبا اياسىندا ۋني­ۆەرسيتەت كلينيكاسى زاماناۋي ستان­دارت­تارعا سايكەس جاڭعىرتىلادى. ايتا كەتەيىك، جوسپاردىڭ ءبىر بولىگى ورىن­دالىپ، جاقىندا عانا تيكا ءبىز­دىڭ ەمحاناعا قارجىلاي كومەك كور­سەتتى. بۇل – ەمدەلۋشىلەرگە ساپا­لى قىزمەت كورسەتۋدى ودان ءارى دامىتادى. سونداي-اق 2022 جىلدىڭ ماۋسىمىنا دەيىن تۇركيادان 45 جو­عارى ساناتتى دارىگەردىڭ كەلۋى جوس­پارلانعان. بۇگىندە دارىگەرلەردىڭ ءبىر بولىگى كەلىپ، قالا تۇرعىندارىن قابىلداپ، تەگىن ەمدەدى. وسىنداي بىلىكتى مەديتسينا ماماندارىن دايارلاۋ ءۇشىن ستۋدەنتتەرگە شەتەلدىك ءبىلىم مەن تاجىريبەنى تانىتۋ ءىسىن قول­عا الدىق. بۇگىندە تۇركيانىڭ جەتەك­شى گازي ۋنيۆەرسيتەتىمەن بىرگە «مە­ديتسينا» قوس ديپلومدى ءبىلىم بەرۋ باع­دارلاماسى ازىرلەنىپ، ساراپتامادان ءوتتى. الداعى ۋاقىتتا «تۋريزم»، «حالىقارالىق قاتىناستار» جانە «تەولوگيا» باعىتتارىن دا قامتيمىز.

پرەزيدەنت ۇندەۋىندە تەحنيكا­لىق ماماندىقتارعا باسا نازار اۋدارۋ ­كەرەك ەكەنىن ايتتى. ۋنيۆەرسيتەت بۇل باعىتتا دا ناتيجەلى ىستەر اتقارىپ كەلەدى. ستراتەگيالىق جوسپارىمىزدا ينجەنەريا فاكۋلتەتىن ودان ءارى دامىتىپ، ءبىلىم بەرۋ ساپاسىن كو­تەرۋ مىندەتىن العا قويدىق. ويتكەنى وڭىرلەردە تەحنيكالىق ماماندار­­­­دى دايارلاۋ – كەزەك كۇتتىرمەيتىن ما­سە­لە. وسى ورايدا، ستراتەگيالىق جوس­پار نەگىزىندەگى ىستەر ناتيجەلى باس­تاۋ العانىن ايتا كەتەلىك. ماسە­لەن، ينجەنەريا فاكۋلتەتىنىڭ بازاسىندا Huawei كومپانياسىمەن بىر­لەسىپ قۇرىلعان جاڭا فورماتتاعى Huawei ICT Academy زەرتحاناسى اشىلدى. زەرتحانا ءىت، تسيفرلىق تەحنولوگيا جانە تەلەكوممۋنيكاتسيا سالاسىندا جوعارى بىلىكتى مامان دايارلاۋعا مۇمكىندىك بەرەدى. بولا­شاقتا ستۋدەنتتەرىمىزدى Huawei كوم­پا­نياسىنىڭ قازاقستانداعى شتاب-كۆارتيراسى بازاسىندا جانە سە­رىكتەستەر كومپانيالارىنىڭ فيليال­دارىندا تۇراقتى تاعىلىمدامالار­­عا جىبەرۋ جوسپارلانۋدا. بۇدان بو­لەك، ۋنيۆەرسيتەت بىلتىر تۇركيانىڭ ­تەح­­­نيكالىق باعىتى بويىنشا ەڭ ال­دىڭ­عى قاتارلى يىلدىز تەحنيكا­لىق ۋني­­ۆەرسيتەتىمەن مەموراندۋمعا وتىر­دى. ىنتىماقتاستىق وقۋ ورنىن­دا تەحنيكالىق، ينجەنەرلىك مامان­دىق­­تاردى دامىتۋعا جول اشتى. ءوزارا كە­لىسىم اياسىندا «اقپاراتتىق تەحنولوگيالار» جانە «ەلەكترەنەرگەتي­كا» ماماندىقتارىن قوس ديپلومدى ءبىلىم بەرۋ باعدارلاماسىنا جەت­كىزۋ جوسپارى بار. سونىمەن قا­تار، «ەلەكترەنەرگەتيكا» باعى­تى بويىن­شا قازاقستانداعى وسى سالا­نىڭ ۇز­دىكتەرىنىڭ ءبىرى سانالا­تىن ع.داۋ­كەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتى­مەن ىن­­تى­ماقتاستىق قۇرىلىپ، كەلىسىم­شارت جاسالدى. ونىڭ اياسىندا وقۋ باعدارلامالارىن كوتەرۋ جۇمىسى جاندانادى. ايتا كەتەرلىك جايت، قا­زىر­گى ۋاقىتتا حالىقارالىق قازاق-تۇرىك ۋنيۆەرسيتەتى، الماتى ەنەرگەتيكا جانە بايلانىس ۋنيۆەرسيتەتى جانە يىلدىز تەحنيكالىق ۋنيۆەرسيتەتى بىرىگىپ، جاڭا وقۋ باعدارلاماسىن ازىرلەپ جاتىر. وڭىردەگى ۇلكەن كاسىپ­ورىندارمەن سەرىكتەستىك ناتيجەسىندە تەحنيكالىق سالا ماماندارىن دايارلاۋ مودەلى دايىندالدى. ەندىگى كەزەكتە، سول مودەلگە ساي ءبىلىم بەرۋ باع­دارلامالارىنىڭ ساپاسىن كوتەرۋ جۇمىستارى جۇرگىزىلۋدە. تۇركىستان وبلىسى اكىمدىگىمەن بىرگە بىرنەشە جوبانى قولعا الۋ جوسپارلانعان. ونىڭ ءبارى مەملەكەت باسشىسى تاپ­سىرماسىن جۇزەگە اسىرۋعا باعىت­تالعان. ماسەلەن، كاسىپكەرلىك جانە ەلەكتروندى ساۋدا كۋرستارىن ۇيىم­داستىرۋ، تىگىنشىلىك، كەستە جانە قو­ل­ونەر شەبەرحاناسىن قۇرۋ، اقپا­رات­تىق تەحنولوگيالار (IT) جانە ينفورماتيكا كۋرسىن وت­كىزۋ سىندى جۇ­مىستار كۇتىپ تۇر. سون­­داي-اق رو­بوتتەحنيكا كودتاۋ، دا­نەكەرلەۋ بو­يىنشا وقۋ شەبەرحانا­لا­رىن، FABLAB وقۋ زەرتحاناسىن قۇ­رۋ جانە تا­عى باسقا جوبالار جۇزەگە اس­پاق. مۇنىڭ ءبارى وڭىردە تەحنيكالىق سالا ماماندارىنىڭ قاتارىن كوبەيتۋ­گە، ولاردى جۇمىسپەن قامتۋعا وڭ اسە­رىن تيگىزەدى.

پرەزيدەنت ەلدە شەتەلدىك جوعارى وقۋ ورىندارىنىڭ 5 فيليالىن اشۋ قاجەتتىگىن ايتتى. ونىڭ ەكەۋى تەح­نيكالىق باعىتتاعى ۋنيۆەرسيتەت بول­ماق. بۇل شەشىمنىڭ بىزگە دە تي­گىزەر پايداسى زور. الەمگە تانىمال ۋنيۆەرسيتەتتەرگە قاراپ بوي تۇزەپ، باسەكەگە قابىلەتتىگىمىزدى ارتتىرۋ مۇم­كىندىگى تۋىپ وتىر. سونداي-اق ۋني­ۆەرسيتەتىمىز تۇركى الەمى ۋني­ۆەر­سيتەتتەرى وداعىنا توراعالىق جاسا­عاندىقتان، تۇركى دۇنيەسىندەگى بارشا مىقتى تاجىريبەنى قازاقستانعا الىپ كەلۋگە تولىق مۇمكىندىگىمىز بار. لابوراتوريا مەن كىتاپحانا بازا­سىن كۇشەيتۋ جۇمىستارى دا شەتتە قالمايدى. كوپسالالى ۋنيۆەرسيتەت رەتىندە اتقاراتىن جۇمىستار مۇنىمەن توقتامايدى. ءبىزدى ىرگەلى ىستەر كۇتۋدە.

مەملەكەت باسشىسى قاسىم-جومارت توقاەۆ مەملەكەتىمىزدىڭ جا­ڭا كەزەڭى باستالعانىن ايتتى. بۇل جول­­دا ەسەلەپ ەڭبەك ەتۋ – ءاربىرىمىزدىڭ ازا­­ماتتىق بورىشىمىز.

 

جانار تەمىربەكوۆا،

قوجا احمەت ياساۋي اتىنداعى

حالىقارالىق قازاق-تۇرىك ۋنيۆەرسيتەتىنىڭ رەكتورى

 

تۇركىستان وبلىسى

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار