پرەزيدەنت ءبىلىم, عىلىم, يننوۆاتسيا جانە مادەنيەت ەل دامۋىنىڭ تەڭدەسسىز باسىمدىقتارى رەتىندە ايقىندالعانىن ايتتى. بۇل باعىتتار مەملەكەتتىڭ ۇزاقمەرزىمدى ستراتەگياسىندا شەشۋشى ءرول اتقارادى. سونىمەن قاتار تاۋەلسىزدىك, ەگەمەندىك پەن اۋماقتىق تۇتاستىق مىزعىماس قۇندىلىق رەتىندە بەكىتىلگەن.
جاڭا كونستيتۋتسيانىڭ جوباسى: ادامي كاپيتال مەن ادام قۇقىقتارىنا باسىمدىق
«تاۋەلسىزدىگىمىز, ەگەمەندىگىمىز جانە اۋماقتىق تۇتاستىعىمىز مىزعىماس قۇندىلىقتار بولىپ قالا بەرەدى جانە ەلىمىزدىڭ ۋنيتارلىعى, جەرىنىڭ تۇتاستىعى مەن باسقارۋ نىسانى ەشقاشان وزگەرمەيدى دەگەن اسا ماڭىزدى سوزدەر بار», دەدى مەملەكەت باسشىسى.
پرەزيدەنت اتا زاڭدا قوعامداعى بىرلىك پەن كەلىسىمنىڭ نەگىزدەرى ودان ءارى نىعاياتىنىن, جاۋاپتى ءارى جاسامپاز وتانشىلدىق ۇعىمى ناقتى جازىلاتىنىن دا اتاپ ءوتتى. بۇل نورمالار قوعامدىق سانانى جاڭعىرتىپ, ازاماتتىق جاۋاپكەرشىلىكتى كۇشەيتۋگە باعىتتالعان.
ء«بىر سوزبەن ايتقاندا, جاڭا كونستيتۋتسيا جوباسىن شىن مانىندە وزىق, ياعني تۇبەگەيلى جاڭارعان, ءاربىر تۇسى ساراپتالعان, ساپالى جازىلعان ءماتىن دەپ اتاۋعا تولىق نەگىز بار. وندا كونستيتۋتسيالىق قۇرىلىسقا قاتىستى الەمدەگى ۇزدىك تاجىريبەلەر كورىنىس تاپقان, ادام قۇقىقتارى جانە ۇلتتىق مۇددەمىز تولىق قورعالعان», دەدى قاسىم-جومارت توقاەۆ.
ەرلان قارين: جاڭا كونستيتۋتسيا قازاقستاننىڭ كەمەلدەنگەن مەملەكەتتىگىن كورسەتەدى
مەملەكەت باسشىسىنىڭ ايتۋىنشا, بۇل قۇجات ەلدىڭ ساياسي-قۇقىقتىق جۇيەسىن جاڭعىرتۋعا, قوعام مەن مەملەكەت اراسىنداعى سەنىمدى نىعايتۋعا قىزمەت ەتەدى.
