ماسەلەن, جاسوتاندىق ەرىكتىلەر جەرگىلىكتى بيلىككە قالالاردى تازارتۋ مەن عيماراتتاردى قالپىنا كەلتىرۋگە كومەكتەسۋدە. وڭىرلەردەگى پارتيا مۇشەلەرى تارتىپسىزدىكتەردەن زارداپ شەككەندەر ءۇشىن قان تاپسىرۋدا. وسى كۇندەرى فيليالدار مەن بەلسەندى پارتيالىقتار پوليتسيا مەن اسكەري قىزمەتكەرلەرگە قالا كوشەلەرى مەن بلوك-بەكەتتەردە ىستىق تاماق ۇيىمداستىردى. تەك الماتىنىڭ وزىندە نۇروتاندىقتار قالانىڭ بارلىق اۋدانى بويىنشا مۇقتاج ازاماتتارعا 30 ملن تەڭگە كولەمىندە كومەك كورسەتتى. بىرقاتار وڭىردە العاشقى كۇندەرى قوعامدىق جاساقتار قۇرىلدى.
ماسليحاتتارداعى فراكتسيا مۇشەلەرى مەن Nur Otan باستاۋىش پارتيا ۇيىمدارىنىڭ باسشىلارى مەملەكەت باسشىسى قاسىم-جومارت توقاەۆتىڭ جاقىندا وتكەن پارلامەنت ءماجىلىسىنىڭ وتىرىسىندا قويعان مىندەتتەرىن حالىق اراسىندا بەلسەندى ءتۇسىندىرۋ جۇمىستارىن جۇرگىزۋدە.
Nur Otan قوعامدىق قابىلداۋ بولمەلەرى دە جۇمىسىن جالعاستىرۋدا. بيىل 1 قاڭتاردان باستاپ 622 ادام جۇگىنىپ, ونىڭ 283-ءى «111 شۇعىل قىزمەت» بايلانىس ورتالىعىنا حابارلاسقان. ازاماتتاردى تولعاندىراتىن نەگىزگى ماسەلەلەر – الەۋمەتتىك قامسىزداندىرۋ, جۇمىسقا ورنالاسۋ جانە ەڭبەك قۇقىقتارىنىڭ بۇزىلۋى, تۇرعىن ءۇي-كوممۋنالدىق شارۋاشىلىق سىندى ماسەلەلەر.
دەپۋتاتتار, پارتيا مۇشەلەرى – مەملەكەتتىك ورگانداردىڭ باسشىلارى 67 قوعامدىق قابىلداۋ وتكىزىپ, 136 ادامنىڭ ماسەلەسى قارالدى.
