زاڭدىلىقتى ساقتاۋعا شاقىردى

باس پروكۋراتۋرا تاراتقان حا­بار­لاماعا سايكەس ادام شىعىنى تىر­كەلگەن وقيعالاردى تەرگەپ-تەكسەرۋگە ەرەكشە نازار اۋدارىلىپ جاتىر. ەل بويىنشا ولاردىڭ جالپى سانى انىقتالۋدا. ءاربىر فاكت ءتيىستى قۇقىقتىق باعا بەرۋ ارقىلى مۇقيات تەرگەپ-تەكسەرىلەدى.

توتەنشە جاعداي رەجىمى كەزىندە جاسالعان قۇقىق بۇزۋشىلىقتار ءۇشىن 6 966 اكىمشىلىك ءىس قوزعاۋ تۋرالى حاتتامالار تولتىرىلدى, 4 918 ادام ءارتۇرلى اكىمشىلىك جاۋاپقا تارتىلدى, ونىڭ ىشىندە 1 978 ادام قاماققا الىندى. 791 ادامعا ايىپپۇل سالىندى جانە 2 149-ى ەسكەرتىلدى. سوتتاردىڭ قاراۋىندا 2048 ماتەريال بار.

بۇگىندە جەدەل-تەرگەۋ توپتارى 494 قىلمىس-
تىق ءىستى, ونىڭ ىشىندە 44 – تەرروريزم اكتىلەرى بويىنشا, 34 – جاپپاي تارتىپسىزدىكتەر بويىنشا, 15 ادام ءولتىرۋ جانە باسقالارى بويىنشا تەرگەپ جاتىر.

قىلمىس جاسادى دەگەن كۇدىكپەن 524 ادام ۋاقىتشا ۇستاۋ يزولياتورلارىنا قامالدى. سوتتىڭ سانكتسياسىمەن 412 ادام قاماۋعا الىندى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلۋدە.

قىلمىس جاسادى دەگەن كۇدىكپەن ۇستالعاندار سوتتىڭ سانكتسياسىنسىز 48 ساعاتتان اسپايتىن مەرزىمگە ۇستالادى (قپك-ءنىڭ 14-بابىنىڭ 2-بولىگى).

بىراق اسا اۋىر, تەرروريستىك نەمەسە ەكسترەميستىك قىلمىس, جاپپاي تارتىپسىزدىك بارىسىندا, سونداي-اق توتەنشە جاعداي كەزىندە قىلمىس جاسادى دەگەن كۇدىكپەن 72 ساعاتتان اسپايتىن مەرزىمگە ۇستاۋ قاراستىرىلعان (قپك-ءنىڭ 131-بابىنىڭ 4-بولىگى).

اكىمشىلىك قۇقىق بۇزۋشىلىقتىڭ جولىن كەسۋ, ونى جاساعان كۇدىكتىنىڭ جەكە باسىن انىقتاۋ, حاتتاما جاساۋ جانە وزگە ماقساتتاردا 3 ساعاتقا دەيىن ۇستاۋى مۇمكىن.

ەگەر اكىمشىلىك ءىس قوزعالعان باپتىڭ سانكتسياسى جازالاۋ شارالارىنىڭ ءبىرى رەتىندە قاماققا الۋدى كوزدەيتىن بولسا, وندا 24 ساعاتقا دەيىن ۇستالۋى مۇمكىن (اقبتك-ءنىڭ 789-بابىنىڭ 3-بولىگى).

كومەندانتتىق ساعاتتىڭ ەنگىزىلۋىنە بايلانىستى بەلگىلەنگەن ءتارتىپتى بۇزۋعا جول بەرگەن ادامدار كومەندانتتىق ساعات اياقتالعانعا دەيىن, ال وزىمەن بىرگە قۇجاتتارى جوق ادامدار – ولاردىڭ جەكە باسىن انىقتاعانعا دەيىن, 48 سا­عاتتان اسپايتىن ۋاقىتقا ۇستالۋى مۇم­كىن (اقبتك-ءنىڭ 789-بابىنىڭ 2-بو­لىگى).

بۇل رەتتە جەكە باسى انىقتالماۋى سەبەپتى ۇستالىنعاندار سوتتىڭ سانكتسياسىمەن قابىلداۋ-تاراتۋ ورىندارى­نا ورنالاستىرىلادى. جەكە با­سىن انىقتاعاننان كەيىن, ەگەر ولاردىڭ ءىس-ارەكەتتەرىندە قىلمىستىق نەمە­سە اكىمشىلىك قۇقىق بۇزۋشىلىق بەلگىلەرى بايقالماسا, ولارعا قانداي دا ءبىر شا­رالار قولدانىلماي, دەرەۋ بوساتىلادى.

باس پروكۋراتۋرا بارلىق جەتكىزىلگەن جانە ۇستالعان ادامداردىڭ قورعالۋعا جانە بىلىكتى زاڭ كومەگىن الۋعا دەگەن كونستيتۋتسيالىق قۇقىعى ورىندالىپ جاتقانىن اتاپ ءوتتى.

ازاماتتار مەن ولاردىڭ وكىلدەرى اۋماقتىق پوليتسيا جانە پروكۋراتۋرا ورگاندارىنا سايكەس ارىز بەرۋگە قۇقىلى. ءاربىر ءوتىنىش بويىنشا تەكسەرىس جۇرگىزىلەدى.

قازاقستان رەسپۋبليكاسىنىڭ باس پروكۋراتۋراسى ازاماتتاردى زاڭ­دىلىقتى ساقتاۋعا, جالعان اقپاراتقا سەن­بەي, رەسمي اقپارات كوزدەرىنە جۇگى­نۋگە شاقىرادى.

سونداي-اق قازاقستان رەسپۋبلي­كاسى ۇلتتىق قا­ۋىپسىزدىك كوميتەتىنىڭ ءباسپاسوز قىزمەتى حابارلاعانداي, ۇقك-ءنىڭ بۇ­رىنعى توراعاسى ك.ماسىموۆكە قا­تىس­تى مەملەكەتكە وپاسىزدىق جاساۋ فاكتىسى بويىنشا سوتقا دەيىنگى تەر­گەۋ جالعاسۋدا.

وسى ءىستىڭ شەڭبەرىندە بيلىكتى كۇش­پەن باسىپ الۋعا جانە لاۋازىمدىق وكى­لەتتىكتەرىن اسىرا پايدالانۋعا باعىت­تالعان ءىس-ارەكەتتەر فاكتىلەرى بويىنشا قوسىمشا سوتقا دەيىنگى تەرگەپ-تەكسەرۋلەر باستالدى.

اتالعان قىلمىستاردى جاسادى دەگەن كۇدىكپەن ك.ماسىموۆتەن باسقا ۇقك توراعاسىنىڭ بۇرىنعى ورىنباسارى – «ا» ارنايى ماقساتتاعى قىز­مەتى­نىڭ باستىعى ا.سادىقۇلوۆ پەن ۇقك توراعا­سىنىڭ بۇرىنعى ورىنباسارى د.ەرعو­جين ۇستالدى.ف