جينالىس ونلاين فورماتتا ءوتتى.
قالا اكىمى ءاربىر بەرىلگەن تاپسىرمانى جۇزەگە اسىرۋ ماقساتىندا جۇمىس جوسپارى مەن جۇيەلى ينديكاتورلار ازىرلەنىپ, ساپالى ءارى بارىنشا جىلدام ورىندالۋ قاجەتتىگىن ايتتى.
ەلىمىزدىڭ جاڭا ەكونوميكالىق تۇعىرىن قالىپتاستىرۋ باعىتىندا وڭىردە اتقارىلاتىن جۇمىستار تۋرالى باسقارما باسشىلارى باياندادى. الدىمەن ەكونوميكا باسقارماسىنىڭ باسشىسى جاپپاي تارتىپسىزدىك كەزىندەگى قيراعان عيماراتتار مەن م ۇلىكتەردى جەدەل قالپىنا كەلتىرۋ, ەكونوميكانى ءارتاراپتاندىرۋ, حالىق تابىسىن ارتتىرۋ, ينفلياتسيا دەڭگەيىن تومەندەتۋ ماسەلەسىن قوزعادى.
جيىن بارىسىندا قالا بيۋدجەتىنىڭ كىرىس جوسپارىن ارتتىرۋ, جەكەشەلەندىرۋ جۇمىستارى جونىندە قارجى باسقارماسى بايانداما جاساسا, كاسىپكەرلىك سالاسىن وركەندەتۋ, يندۋستريالدى-يننوۆاتسيالىق, شاعىن جانە ورتا كاسىپكەرلىكتى دامىتۋ ماسەلەلەرى تۋرالى كاسىپكەرلىك جانە يندۋستريالدى, يننوۆاتسيالىق دامۋ باسقارماسى باسشىسىنىڭ ورىنباسارى تارقاتىپ ايتىپ بەردى.
مەگاپوليستە اۋىل شارۋاشىلىق ونىمدەرىن وڭدەۋ كاسىپورىندارىن دامىتۋعا زور مۇمكىندىكتەردىڭ بارىن ايتقان قالا اكىمى ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا اتقارىلىپ جاتقان جۇمىستار ەسەبىن تىڭدادى.
سونىمەن بىرگە, جيىندا تەحنيكالىق ماماندىقتارعا باسىمدىق بەرىپ, ينجەنەرلەر مەن ونەركاسىپشىلەردىڭ جاڭا بۋىنىن ءوسىرۋ, جۇمىسسىزدىق, ازاماتتىق ينستيتۋتتاردىڭ قىزمەتىن جۇيەلەندىرۋ, كوروناۆيرۋستىڭ تارالۋىنا جول بەرمەۋ ماسەلەلەرى دە كۇن تارتىبىنە قويىلدى.
جيىندى قورىتىندىلاي كەلە, شاھار باسشىسى باسقارما باسشىلارىنا ناقتى تاپسىرمالار بەردى. ولار:
- شاعىن جانە ورتا بيزنەسكە مەملەكەتتىك قولداۋ شارالارىن كورسەتۋدىڭ اشىق جانە بارىنشا ءتيىمدى مەحانيزمىن ازىرلەۋ بويىنشا ۇسىنىس ەنگىزۋ;
- ينفلياتسياعا قارسى ارەكەت ەتۋ شارالارىنىڭ كەشەنىن ازىرلەۋ;
- كوكتەمگى دالا جۇمىستارىنا قاجەتتى اگرەگاتتارمەن, تۇقىممەن, تىڭايتقىشپەن قامتاماسىز ەتىپ, ەگىن ەگۋ ناۋقانى قاتاڭ باقىلاۋعا الۋ;
- سۋبسيديالاۋدىڭ قول جەتىمدىلىگى مەن اشىقتىعىن قامتاماسىز ەتۋ;
- ازىق-ت ۇلىك تاپشىلىعىنىڭ ماسەلەسىن تۇبەگەيلى شەشىپ, الەۋمەتتىك ماڭىزى بار تاۋارلار باعاسىن تۇراقتاندىرۋ جۇمىستارىن جۇرگىزۋ;
- ءبىلىم بەرۋ ۇيىمدارىنداعى كادر تاپشىلىعىن جويۋ;
- «جاستار پراكتيكاسى» جانە «العاشقى جۇمىس ورنى» باعدارلامالارى بويىنشا جۇمىسپەن قامتۋدى ۇيىمداستىرىپ, ولاردىڭ ودان ءارى تۇراقتى جۇمىسپەن قامتىلۋىن باقىلاۋعا الۋ;
- كوروناۆيرۋس ينفەكتسياسىنىڭ الدىن الۋ, ەمدەۋ شارالارىن ءتيىمدى ۇيىمداستىرىپ, جاعدايدى قاتاڭ باقىلاۋعا الۋ.
