قارجى • 12 قاڭتار، 2022

كاپيتالدى ەلدەن نەگىزسىز شىعارۋعا قارسى ناقتى شارالار قابىلدانادى

50 رەت كورسەتىلدى

قر قارجى مينيسترلىگى پرەزيدەنتتىڭ تاپسىرمالارىن دەرەۋ ورىنداۋ ءۇشىن قابىلدانىپ جاتقان شارالار تۋرالى ايتتى، دەپ حابارلايدى Egemen.kz قر قم ءباسپاسوز قىزمەتىنە سىلتەمە جاساپ.

ۆەدومستۆودا حابارلاعانداي، مەملەكەتتىك قولداۋدىڭ قوسىمشا شارالارى ارقىلى جۇكتەمەنى وتەي وتىرىپ، تاۋ-كەن مەتاللۋرگيا كەشەنىنىڭ جەر قويناۋىن پايدالانۋشىلاردان تۇسەتىن تۇسىمدەردى ارتتىرۋ تەتىكتەرى ازىرلەنۋدە.

جالپى، كەدەن سالاسىنداعى بۇزۋشىلىقتار ءۇشىن جاۋاپكەرشىلىكتى قاتاڭداتۋ جونىندە شارالار قابىلداناتىن بولادى.

كاپيتالدى ەلدەن نەگىزسىز شىعارۋ بولىگىندە زاڭناماعا كەلەسى تۇزەتۋلەر پىسىقتالۋدا:

1) ديۆيدەندتەرگە، ونىڭ ىشىندە قازاقستان رەسپۋبليكاسىنداعى كوزدەردەن رەزيدەنت ەمەستەرگە تولەنەتىن جەڭىلدىكتەرگە سالىق سالۋ كەزىندە جەڭىلدىكتەردى قايتا قاراۋ;

2) ۇلەستەس شەتەلدىكتەردەن الىنعان «ماتەريالدىق ەمەس» قىزمەتتەر بويىنشا شەگەرىمگە شەكتەۋلەر ەنگىزۋ;

3) باقىلاناتىن شەتەلدىك كومپانيا شەڭبەرىندە جەڭىلدىكتەرگە شەكتەۋلەر ەنگىزۋ.

سونداي-اق، ترانسفەرتتىك باعا بەلگىلەۋ بويىنشا تۇزەتۋلەر جوباسى ازىرلەندى. بۇل قازاقستاندىق ەكسپورتقا ءادىل باعانى قامتاماسىز ەتۋگە مۇمكىندىك بەرەدى.

بۇدان باسقا، مەملەكەت باسشىسىنىڭ تاپسىرماسىنا سايكەس وسى جىلدىڭ اقپان ايىندا جەكە تۇلعالاردىڭ بانكروتتىعى ماسەلەلەرى بويىنشا زاڭ جوباسى ەنگىزىلەدى، قارجى مينيسترلىگى ءبىر كوزدەن ساتىپ الۋدى قولدانۋدىڭ نەگىزدىلىگىن باقىلاۋدى قامتاماسىز ەتەدى.

وسى جىلدان باستاپ قوردىڭ جانە بارلىق ۇلتتىق كومپانيالاردىڭ ساتىپ الۋلارى «كۆازيمەملەكەتتىك سەكتوردىڭ جەكەلەگەن سۋبەكتىلەرىن ساتىپ الۋ تۋرالى» زاڭمەن رەتتەلەدى. سونىمەن قاتار، قوردى ساتىپ الۋ تارتىبىندە قوردىڭ ىشكى قۇجاتتارىنا سىلتەمە نورمالار قاراستىرىلعان. وسىعان بايلانىستى، قوردىڭ جانە ونىڭ ەنشىلەس كومپانيالارىنىڭ ساتىپ الۋىن جۇزەگە اسىرۋدىڭ بۇكىل پروتسەسى وزگە ىشكى قۇجاتتارعا جىبەرىلۋدى بولدىرماي، ءبىر قۇجات دەڭگەيىندە قايتا قارالاتىن بولادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار