شىن مانىندە, بۇل ءسوز قايعىلى وقيعالار مەن قاۋىپتەن امان قالعان ۇلتتىڭ ساياسي مانيفەسىنە اينالدى. ءبىز بارلىعىمىز پرەزيدەنتتىڭ تاباندىلىعى ارقاسىندا ەكسترەميستىك سوزدەر, تەرروريستىك شابۋىلدار, جاپپاي توناۋ ءساتتى ەڭسەرىلگەنىن ءتۇسىنۋىمىز كەرەك. تەرروريستىك قاۋىپ-قاتەردى جانە مەملەكەتكە قارسى ءىس-قيمىلداردى جويۋ جونىندەگى بارلىق شارالار بۇكىلحالىقتىق قولداۋعا يە بولدى, ۇلتتى مەملەكەت باسشىسىنىڭ اينالاسىنا بىرىكتىردى.
ەل پرەزيدەنتى ءوز ءسوزىن «قاسىرەتتى قاڭتار» ساباعى: رەتىندە بەلگىلەگەنى كەزدەيسوق ەمەس: قوعام تۇتاستىعى – تاۋەلسىزدىكتىڭ كەپىلى». قوعام وسى قايعىلى كۇندەردىڭ بارىندە قازاقستاندىقتاردى الاڭداتقان سۇراقتارعا تولىق جاۋاپ الدى – نەگە جانە قالاي بولۋى مۇمكىن؟
ەكىنشى جاعىنان, مەملەكەت باسشىسىنىڭ سويلەگەن ءسوزى پرەزيدەنتتىك كوماندانىڭ وسى قيىن كۇندەرى ء«ورتتى ءسوندىرىپ» قانا قويماي, الداعى ۋاقىتتا وسىنداي وقيعالارعا جول بەرمەۋ جونىندەگى ءبىرىنشى كەزەكتەگى شارالار بويىنشا ۇيلەسىمدى جۇمىس ىستەگەنىن, سونداي-اق ورتا مەرزىمدى پەرسپەكتيۆاعا ارنالعان قاجەتتى شارالاردىڭ پايىمىن قالىپتاستىرعانىن كورسەتتى.
بۇل – قۇقىق قورعاۋ ورگاندارىنىڭ جۇمىسىن تولىق رەفورمالاۋ, ەكونوميكانىڭ سول سەگمەنتتەرىندە جانە حالىقتىڭ نارازىلىعىن تۋدىرعان ونىڭ جەكە سۋبەكتىلەرىنىڭ جۇمىسىندا ءتارتىپ ورناتۋ ماسەلەلەرى.
پرەزيدەنتتىك باعدارلاما حالىقتىڭ تولىق قولداۋىنا يە بولادى جانە ەل ومىرىندەگى تۇبەگەيلى وزگەرىستەر ءۇشىن نەگىز بولادى دەپ سەنىممەن ايتۋعا بولادى.
ءبىرىنشى كەزەكتە, بۇل كوپەتنوستى حالىققا قاتىستى, ويتكەنى قازاقستان حالقى اسسامبلەياسىنىڭ مۇشەلەرى, ەتنومادەني بىرلەستىكتەر, قازاقستاننىڭ ءتۇرلى ەتنوستارى مەملەكەتكە قارسى جانە كونستيتۋتسياعا قارسى زورلىق-زومبىلىق تەرروريستىك اكتسيالارعا قاتىسۋعا شاقىرۋدى ءۇزىلدى-كەسىلدى قابىلدامادى.
قازىر وسى قيىن كۇندەردە پرەزيدەنتپەن, حالىقپەن بىرگە بولعان قازاقستان حالقى اسسامبلەياسى قايعىلى وقيعالاردىڭ سالدارىن جويۋعا بەلسەندى قاتىسۋدا. زارداپ شەككەن جانە حالىقتىڭ الەۋمەتتىك قورعالماعان توپتارى ءۇشىن وڭىرلەردە ۆولونتەرلىك اكتسيالار, قايىرىمدىلىق كومەكتەر كورسەتىلۋدە. بارلىق ەتنومادەني بىرلەستىكتەر مەن ەتنوستار ەلىمىزدىڭ بىرلىگى مەن تۇتاستىعىنا ءوز ۇلەستەرىن قوسا وتىرىپ, تەرروريستىك اكتسيالاردىڭ, بانديتيزم مەن توناۋدىڭ جولىن كەسۋگە باعىتتالعان پرەزيدەنتتىڭ ەڭ باتىل شارالارىن قولداپ, قالىپتى ءومىردى قالپىنا كەلتىرۋگە بەلسەندى قاتىسادى. بۇل كۇندەرى بارىمىزگە بىرلىك, كەلىسىم, ازاماتتىق بەيبىتشىلىك پەن تۇراقتىلىق دەگەن سوزدەر – ابستراكتىلى ۇعىمدار ەمەس, كۇندەلىكتى ءومىرىمىزدىڭ ەڭ ۇلكەن قۇندىلىقتارى ەكەنى تۇسىنىكتى بولدى.
ءدال وسى قاسيەتتەر پرەزيدەنت ۇسىنعان بارلىق شارالاردى, بۇكىلحالىقتىق سەنىم, بەيبىتشىلىك پەن بىرلىككە ۇمتىلىستىڭ جاڭارتىلعان مانداتىنا اينالعان شارالاردى ىسكە اسىرۋعا مۇمكىندىك بەرەتىنىنە سەنىمدىمىن.
مارات ءازىلحانوۆ,
قازاقستان حالقى اسسامبلەياسى توراعاسىنىڭ ورىنباسارى
