«قازاقستان بارىسى» ءتۋرنيرى باستالدى

كەشە ەلىمىزدە ءتورت جىلدان بەرى كۇرەس دەسە دەلەبەسى قوزاتىن جانكۇيەرلەردىڭ قىزىعا تاماشالايتىن جارىسىنا اينالعان قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ جۇلدەسى ءۇشىن قازاق كۇرەسىنەن وتەتىن «قازاقستان بارىسى» رەسپۋبليكالىق ءتۋرنيرىنىڭ ىرىكتەۋ كەزەڭى باستالدى. وسى وقيعاعا بايلانىس­تى كەشە ءتۋرنيردى ۇيىم­داستىرۋشىلار كەزدەسۋ ءوت­كىزىپ, بيىلعى جارىستىڭ ەرەك­شەلىكتەرى تۋرالى ايتىپ بەردى. وندا الدىمەن سپورت جانە دەنەشىنىقتىرۋ ىستە­رى اگەنتتىگىنىڭ توراعاسى تاس­تانبەك ەسەنتاەۆ ءتورت جىلدان بەرى داستۇرگە اينالعان تۋرنيرگە جىلداعىداي سالماعى 80 كيلودان اساتىن, جاسى 18-گە تولعان ءاربىر بالۋاننىڭ قاتىسۋعا مۇمكىندىگى بار ەكەنىن ايتتى. سودان كەيىن ول ەلىمىزدە قازاق كۇرەسىمەن اينالىساتىن ادامداردىڭ كوبەيىپ جاتقانىن, قازىر قازاقستان بويىنشا 35 000-نان استام بالالار مەن ەرەسەكتەر ءتول كۇرەسىمىزبەن اينالىسسا, 500-دەن استام جاتتىقتىرۋشى سولارمەن جۇمىس ىستەپ جاتقانىن اتاپ ءوتتى. وسىدان كەيىن ول بيىلعى «قازاقستان بارىسى» ءتۋرنيرىنىڭ ىرىكتەۋ جارىستارىنا توقتالدى. «جارىستىڭ ءبىرىنشى كەزەڭى 31 ناۋرىزعا دەيىن اۋىلداردا وتسە, ەكىنشى كەزەڭى اۋداندىق جانە قالالىق دەڭگەيدە ءساۋىر ايىندا وتەدى. وسى ەكى كەزەڭنەن وتكەندەر 1-20 مامىر كۇندەرى بولاتىن وبلىستىق جارىس تۇرىندەگى ءۇشىنشى كەزەڭگە قاتىسادى. ءتۋرنيردىڭ فينالى 29 ماۋسىمدا استاناداعى «سارىارقا» رەسپۋبليكالىق ۆەلوترەگىندە وتەدى», – دەدى ول. جالپى, ت.ەسەنتاەۆتىڭ ايتۋىنشا, قازىر بالۋانداردىڭ جارىسقا دايىندىعى جاق­سى. بۇگىندە ەلىمىزدە قازاق كۇ­رەسىنىڭ بالۋاندارى باسقا دا كۇرەس تۇرلەرىنەن وتە­تىن سىندارعا قاتىسىپ, شەبەر­لىكتەرىن ارتتىرىپ كەلەدى. وسىنىڭ ءوزى بالۋانداردىڭ شىڭدالۋىنا سەپتىگىن تيگىزىپ وتىر. ەندى وسى ءۇش كەزەڭنەن ىرىكتەلگەن سپورتشىلار 25-30 مامىر كۇندەرى الماتىدا 5 كۇندىك وقۋ-جاتتىعۋ جيىنى­نا قاتىسادى. وسى جيىندا فينالعا قاتىساتىن بالۋان­دار ءۇشىن تەرەڭدەتىلگەن مەدي­تسينالىق تەكسەرۋ, دوپينگ-سىناما, فوتو-بەينە تۇسىرىلىمدەر وتكىزىلەدى. كەزدەسۋدە اگەنتتىك ءتور­اعا­­سى «قازاقستان بارىسى» تۋر­­­نيرىنە وزگەرىستەر ەنگى­زىل­­گەنىن ايتتى. ول بيىلعى بەلدەسۋلەرگە بۇرىنعىداي 12 ەمەس, 6 تورەشى عانا قىزمەت ەتە­تىنىن, ولاردان تۋرنير الدىندا ەم­تي­حان الىناتىنىن باياندادى. ونىڭ ايتۋىنشا, سىناقتان ءوت­­­­كەن تورەشىلەر جارناعا 1 000 اقش دوللارى كولەمىندە اقشا تولەيدى. ەگەر تۋرنيردە جاق­سى تورەشىلىك ەتسە, اقشاسى قاي­­­­تارىلىپ, بۇعان قوسا 5 000 دول­لار كو­لەمىندە سىياقى الادى. جيىندا تاعى ءبىر ايتىلعان وزگەرىس جەڭىمپاز بالۋاننىڭ جاتتىقتىرۋشىسىنىڭ سىي­اقىسىنا قاتىستى بولدى. وسى ماسەلە بويىنشا اگەنت­تىك توراعاسى بيىل جە­­ڭىم­پاز بالۋاننىڭ باپكەرىنە بىلتىرعىداي 50 000 اقش دول­­­لارى ەمەس, 20 000 دول­لار بەرىلەتىنىن ەسكەرتتى.­ سونىمەن بىرگە, ول ەكىن­­­شى, ءۇش­ىن­شى ورىن العان بالۋان­دار­دىڭ جانە ولاردىڭ جاتتىق­تى­رۋ­شى­لا­رىنىڭ سىياقىلارى سول كۇيىندە قالاتىنىن ايتتى. «ياعني, كۇمىس جۇلدەگەر 75 000 اقش دوللارىن السا, قولا جۇلدەگەر 50 000 دوللار الاتىن بولىپ قالدى», – دەدى ول. وسى جەردە «قازاقستان با­رىسى» قازاق كۇرەسىن دامىتۋ قورى قامقورشىلار كەڭە­سىنىڭ توراعاسى ارمان شو­راەۆ تۋرنير جەڭىمپازىنا 150 000 اقش دوللارى تابىس ەتىلەتىنىن مالىمدەدى. بي­ىل­عى جىلعى تاعى ءبىر جا­ڭا­لىق, بۇرىن تۋرنيردە جە­ڭىم­پازعا بەرىلىپ كەلگەن كولىك ءجۇل­دەگە جەتە الماسا دا, كورەرمەن كوزايىمىنا اينالعان بالۋانعا تاپسىرىلاتىن بولدى. وسىدان كەيىن اگەنتتىك توراعاسى قازاق كۇرەسىن وليمپيا ويىندارىنا ەنگىزۋ جوسپارى جاسالعانىن حابارلادى. ول قازىر اگەنتتىك الدىندا قازاق كۇرەسىن ازيا جانە وليم­پيا ويىندارىنىڭ باعدارلاماسىنا كىرگىزۋ ماق­سا­تى تۇرعانىن ايتتى. داستان كەنجالين, «ەگەمەن قازاقستان».